O avance de partipación para esta xornada na cidade de Santiago foi dun 37,32%, segundo se deu a coñecer ás 18:00. Isto supón unha baixada dun 11,16% respecto ás últimas eleccións europeas no ano 2019, nas que a participación puido estar influenciada por coincidiren estas cos comisios municipais.
Esta porcentaxe é inferior á media do territorio galego, aínda que durante a xornada de hoxe ás 14:00 se situaba por debaixo. No seu conxunto, en Galicia súmase ás 18:00 un 39,04% de partipación, con só 621.159 votantes, un 11,16% menos que no ano 2019.
Estas cifras auguran un descenso notorio da participación con respecto ás últimas eleccións europeas. Se xa ás 14:00 a participación era inferior á de hai 5 anos, agora que se achega o peche dos colexios é aínda máis baixa.
No conxunto de España, esta porcentaxe é un 38,11%, un 11,33% menos que nas últimas eleccións, aínda rozando o 10 millóns de votantes, fronte aos 17 millóns que votaran a esta mesma hora nos últimos comicios. A comunidade autónoma con máis participación até o momento é Cantabria, cun 40,77%, fronte a un 24,80% da cidade autónoma de Ceuta, que se atopa á cola dos datos de participación.
PARTICIPACIÓN POR CIDADES E NA COMARCA COMPOSTELÁ
Entre as cidades galegas, Pontevedra e A Coruña son, ao igual que sucedía a mediodía, as que máis participación obtiveron até o de agora, cun 40,58% e un 40,47% respectivamente.
Entre as que menos participación rexistraban ás 18:00 atópanse Lugo (37,62%) e Ourense (38,17%).
Pola súa banda, no resto de concellos da comarca compostelá as participacións foron semellantes e nos mesmos postos que ás 14:00, con Boqueixón á cabeza (44,28%), seguidas de Vedra (40,17%), Teo (39,92%), Val do Dubra (37,49%), Ames (37,10%) e Brión (35,12%).
