InicioSANTIAGOAMESManolo Boquete pechará os Seráns de Ames na praia fluvial de Tapia...

Manolo Boquete pechará os Seráns de Ames na praia fluvial de Tapia este xoves

O ciclo de verán rematará cun espectáculo de música, contos e humor

Publicado o

Xornal de Compostela

Este xoves, 29 de agosto, a praia fluvial de Tapia acollerá a sétima e derradeira xornada dos Seráns de Ames, unha iniciativa cultural que se desenvolveu durante os meses de xullo e agosto en distintas parroquias do concello. O encargado de pechar o ciclo será o cantautor e monologuista Manolo Boquete, quen ofrecerá un espectáculo que mestura música, contos e humor a partir das 19:00 horas.

Manolo Boquete, coñecido polo seu estilo desenfadado e pola súa capacidade para interpelar ao público, promete un peche de programación cheo de risas e boa música. Ao longo do seu espectáculo, Boquete implicará ao público, creando un ambiente participativo e divertido, fiel ao espírito dos Seráns de Ames.

SERÁNS DE AMES 20

Os Seráns de Ames son unha programación de verán que celebra a súa cuarta edición, consolidándose como unha das citas culturais máis esperadas no concello. Esta iniciativa comezou no ano 2021 na praia fluvial de Tapia e, desde entón, non deixou de medrar. Este ano, ademais de Tapia, as parroquias de Bugallido, Biduído e Agrón tamén acolleron actividades dentro do programa, sumando un total de sete xornadas.

Ao longo do verán, o público puido gozar dun amplo abanico de propostas culturais, desde o pregón inaugural a cargo da xornalista e escritora amesá Paula Señarís ata as actuacións de grupos como Maianas, SR. Salvaje e Banda de Nash. Ademais, os máis pequenos disfrutaron coa foliada de Pablo Díaz e Olga Kirk e cos espectáculos “A vida tola de Pajarito” e “Varietés do Animalario”.

Con esta última actuación de Manolo Boquete, os Seráns de Ames despídense ata o ano que vén, reafirmando o seu compromiso coa cultura e coa creación de espazos de lecer para todos os públicos.

ÚLTIMAS

O Servizo de Anatomía Patolóxica do CHUS recoñecido coa acreditación ISO 15189 pola súa “calidade asistencial”

O conselleiro de Sanidade, Antonio Gómez Caamaño, xunto co xerente da área sanitaria de Santiago...

Antonio López reitera que Galicia debe manter unha única Facultade de Medicina

O reitor da Universidade de Santiago de Compostela, Antonio López, reafirmou esta fin de...

As obras de prolongación da autovía Santiago-A Estrada afectarán ao tráfico na AC-241, en Teo, desde o vindeiro martes

O avance nas obras de prolongación da autovía Santiago-A Estrada (AG-59) fará necesaria a...

Os edís expulsados do PSOE esixen a Sánchez que se revise o seu caso, pois foi asinado por Santos Cerdán

Os catro edís de Santiago expulsados do PSOE --Gonzalo Muíños, Mercedes Rosón, Mila Castro e Marta...

Blas García pide a Sánchez que convoque eleccións xerais para poñer fin a unha “situación política irrespirable”

O alcalde socialista de Ames, Blas García, manifestou publicamente o seu apoio a un...

Ames Radio pecha a temporada cidadá cun programa especial desde o Pazo da Peregrina

A radio municipal do Concello de Ames celebrou este venres, 13 de xuño, a...

Detida no Milladoiro unha persoa por estafar 21.700 euros a unha entidade bancaria mediante devolucións fraudulentas

A Garda Civil detivo recentemente a un home como presunto autor dunha estafa bancaria...

LEAVE A REPLY

Please enter your comment!
Please enter your name here