A Cámara de Comercio de Santiago, en colaboración coa Consellería de Emprego, Comercio e Emigración da Xunta de Galicia, lanzará un plan formativo destinado a mellorar a competitividade do sector comercial. O programa, que comeza o 16 de setembro, ofrece un itinerario con 15 accións formativas dirixidas a autónomos, desempregados e maiores de 45 anos, entre outros. O obxectivo é proporcionar aos profesionais do comercio ferramentas para adaptarse á transformación dixital e modernización do sector.
O plan inclúe cursos de competencias dixitais, márketing en redes sociais, facturación electrónica e xestión de residuos sostibles, entre outros. Os cursos realizaranse a través de teleformación, cun sistema de titorización personalizada. Máis de 220 persoas poderán participar nestas accións, cuxas inscricións xa están abertas na web da entidade (www.camaracompostela.com).
