InicioSANTIAGOAMESCase 40 rapaces participaron no programa de conciliación de Ames dirixido á...

Case 40 rapaces participaron no programa de conciliación de Ames dirixido á mocidade con diversidade

A iniciativa estivo en marcha durante xullo e agosto en Bertamiráns e contou con 38 participantes

Publicado o

Xornal de Compostela

O Concello de Ames, a través da Concellaría de Benestar Social, Igualdade e Voluntariado, organizou por primeira vez un programa de conciliación dirixido a mozos e mozas con diversidade funcional durante os meses de xullo e agosto. O programa, que se desenvolveu en Bertamiráns de luns a venres, en horario de 9:00 a 14:00 horas, contou con 38 participantes, 24 deles en xullo e 14 en agosto.

A concelleira de Benestar Social e Voluntariado, Uxía García, explicou que este novo programa nace “como resposta á demanda que viñan facendo moitas familias de Ames e da contorna”, co obxectivo de facilitar a conciliación durante o verán. García engadiu que “é o primeiro ano que organizamos este programa, polo que servirá para mellorar aspectos de cara a futuras edicións”. O programa tamén contempla a posibilidade de implicar a máis concellos na iniciativa nos próximos anos.

Durante o programa, os participantes realizaron diversas actividades, como obradoiros de cerámica, pintura, teatro, e relaxación. Entre as actividades máis populares destacaron os obradoiros de cociña, onde elaboraron pizzas, tortas e empanadillas. Tamén se organizaron saídas diarias a cafeterías e actividades de compra en grupo para fomentar a autosuficiencia.

Ademais, puxeron en marcha un clube de lectura, no que leron o libro Charlie e a fábrica de chocolate de Roald Dahl. Esta actividade está deseñada para mellorar a atención, a comprensión lectora e a memorización.

Os mozos e mozas tamén participaron en excursións á praia de Tapia e a Ponte Maceira, así como en rutas polo monte e arredores do río Tambre, co fin de coñecer diferentes localizacións da contorna amesá.

ÚLTIMAS

Cáritas de Santiago atende a máis de 46.000 persoas en 2024, un 8% máis que o ano anterior

Cáritas Diocesana de Santiago destacou que atendeu a 46.512 persoas en 2024, un incremento...

Detidas 16 persoas pola estafa do “falso sicario” a usuarios de páxinas de citas

A Policía Nacional detivo 16 persoas no marco da 'Operación Bachata', entre elas dúas...

Germán Prieto lanza o seu novo disco ‘Destino’: unha viaxe musical entre a emoción e a técnica

O recoñecido guitarrista e compositor Germán Prieto presenta o seu esperado novo álbum 'Destino'...

O centro de saúde de Conxo renóvase para estar listo a comezos de 2026

O conselleiro de Sanidade, Antonio Gómez Caamaño, visitou este mércores as obras de rehabilitación...

O Concello de Ames celebra o Día do Orgullo LGBTIQ+ cun acto institucional, actividades e premio fotográfico

O Concello de Ames sumouse este sábado á celebración do Día Internacional do Orgullo...

Ames colabora na III Cea Solidaria para mellorar a atención pediátrica do CHUS

O Concello de Ames reafirmou o seu compromiso coa solidariedade e a sanidade pública...

Ames aproba de forma inicial a ordenanza para instaurar as cerimonias de ‘Benvida Social’

O Concello de Ames aprobou de forma inicial, na sesión plenaria deste xoves, a...

LEAVE A REPLY

Please enter your comment!
Please enter your name here