O Miranza Instituto Gómez-Ulla, comprometido coa saúde ocular, lanzará unha campaña de detección precoz de enfermidades da retina o venres 20 de setembro no Centro Comercial Área Central de Santiago de Compostela. A iniciativa, que se desenvolverá de 10:00 a 14:00 e de 15:00 a 19:00 horas, pretende concienciar á poboación sobre a importancia das revisións periódicas para previr a perda severa de visión e a cegueira evitable, coincidindo co Día Mundial da Retina o 29 de setembro.
Durante a xornada, o persoal da clínica realizará exploracións de fondo de ollo gratuítas utilizando retinógrafos de última xeración, ofrecendo unha primeira valoración diagnóstica. Aqueles pacientes que presenten sinais de posibles patoloxías serán orientados para realizar un seguimento oftalmolóxico máis exhaustivo.
A campaña, que se inscribe no marco dunha iniciativa nacional de Miranza, abrangue tamén outras sete cidades de España, onde o grupo ten centros dedicados á oftalmoloxía.
Factores de risco Desde Miranza Instituto Gómez-Ulla lembran que as patoloxías que afectan á retina poden provocar graves problemas de visión, como a cegueira parcial ou total. A Degeneración Macular Asociada á Idade (DMAE) é unha das causas máis frecuentes de perda de visión. Tamén destacan afeccións como a retinopatía diabética, o agujero macular ou o desprendemento de retina.
Os principais factores de risco inclúen a idade, antecedentes oculares, hipertensión e tabaquismo.
O director médico da clínica, o Profesor Francisco Gómez-Ulla, falará sobre os factores de risco e os últimos avances para tratar estas patoloxías nunha rolda de prensa o 24 de setembro ás 10:00 horas. Durante o evento, presentarase tamén un acordo entre Miranza e a clínica compostelá, que será detallado por Ramón Berra, CEO de Miranza.
