HomeM. AMBIENTE E PATRIMONIOGoretti Sanmartín asume a presidencia do Grupo de Cidades Patrimonio da Humanidade...

Goretti Sanmartín asume a presidencia do Grupo de Cidades Patrimonio da Humanidade de España co compromiso de impulsar o turismo sustentable

A alcaldesa comprometeuse a traballar pola protección e promoción do patrimonio das 15 cidades membro

Publicado o

Por Xornal de Compostela

Goretti Sanmartín, alcaldesa de Santiago de Compostela, asumiu recentemente a presidencia do Grupo de Cidades Patrimonio da Humanidade de España, cun firme compromiso de potenciar o turismo sustentable e a promoción cultural das 15 cidades membro. Durante o traspaso de poderes, Sanmartín destacou a importancia de “ser a voz das 15 Cidades Patrimonio en cuestións relacionadas co turismo sustentable”.

O seu mandato centrarase no desenvolvemento dun documento marco que estabeleza unha folla de ruta clara para os próximos anos, incidindo na protección e conservación do patrimonio, estratexias para revitalizar estes espazos como lugares habitados e vivos, e a promoción das cidades a través da diversidade cultural de cada unha.

Sanmartín agradeceu ao presidente saínte, Luís Yeray Gutiérrez, alcalde de San Cristóbal de la Laguna, polo seu “intenso labor de promoción internacional e de consenso na protección do patrimonio”. Así mesmo, reafirmou o seu “ilusión e compromiso” para liderar o grupo nesta nova etapa.

O vicepresidente primeiro será o alcalde de Segovia, José Mazarías, que presidirá a comisión de Patrimonio; o alcalde de Tarragona, Rubén Viñuales, será o vicepresidente segundo e presidente da comisión de Cultura; e o vicepresidente terceiro será o alcalde de Toledo, Carlos Velázquez.

Luís Yeray Gutiérrez fixo un balance positivo do seu mandato, destacando a fortaleza das colaboracións e o reforzo da estratexia internacional do grupo, o que incluíu participación en importantes feiras turísticas e acordos estratéxicos a nivel internacional.

O Grupo de Cidades Patrimonio da Humanidade de España foi creado en 1993 e está composto polas cidades cuxos conxuntos históricos foron recoñecidos pola UNESCO. O obxectivo principal da asociación é a defensa conxunta do patrimonio histórico e cultural destas cidades e a promoción das súas ofertas turísticas tanto a nivel nacional como internacional.

ÚLTIMAS

Desaparecido en Santiago un home do 93 anos, usuario dunha residencia de maiores

O operativo de busca para localizar a Aser Núñez Pazos, un home de 93...

Proxectos galegos de FP destacan na convocatoria estatal de innovación

Os proxectos 'Posta en marcha virtual con xemelgo dixital' do Centro Integrado de FP...

O PP de Santiago propón eliminar altos cargos do BNG para investir en turismo sostible e políticas sociais

No Partido Popular de Santiago propuxo un cambio na estrutura do goberno local, liderado...

O BNG lanza a campaña ‘A Forza deste País’ para o Día da Patria Galega

O Bloque Nacionalista Galego presentou a súa campaña para o 25 de xullo, Día de...

Despregan unha pancarta contra Altri na catedral de Santiago

Escaladores de Greenpeace despregaron na balconada do museo da catedral de Santiago unha pancarta contra o...

Investigadores da USC explican que Altri provocará “danos irreversibles” sobre flora “única no mundo”

A fábrica de fibras téxtiles que a multinacional portuguesa Altri quere instalar en Palas...