A compañía Vueling recupera este Nadal a ruta que conecta Santiago de Compostela con Roma-Fiumicino, que estará dispoñible entre o 24 de decembro e o 7 de xaneiro e cuxos billetes xa están á venda.

Ademais, co obxectivo de ofrecer aos pasaxeiros maior flexibilidade e máis opcións de viaxe durante a tempada de inverno, Vueling incrementará as frecuencias semanais nas rutas clásicas desde Santiago. Entre elas, destaca a conexión con Londres-Gatwick, que pasará de 4 a 6 frecuencias semanais en comparación co inverno anterior. Ademais, reforzaranse outras rutas nacionais con máis opcións de conexión como Barcelona, Gran Canaria, Palma de Mallorca e Sevilla.

Así mesmo, Vueling mantén a conexión entre A Coruña e Londres-Gatwick e reforza a súa conexión con Barcelona, que este inverno disporá de 14 frecuencias semanais.