InicioECONOMÍAA xunta destina preto de 1,6 millóns ao Centro de Investigación Interdisciplinar...

A xunta destina preto de 1,6 millóns ao Centro de Investigación Interdisciplinar en Tecnoloxías Ambientais da USC

Esta inxección económica lévase a cabo despois de que o Cretus se integrase na Rede de Investigación de Excelencia de Galicia

Publicado o

Xornal de Compostela

A Xunta de Galicia vai inxectar preto de 1,6 millóns de euros no Centro de Investigación Interdisciplinar en Tecnoloxías Ambientais (Cretus) da Universidade de Santiago de Compostela, tras a súa incorporación á Rede de Investigación de Excelencia de Galicia, que reúne aos axentes investigadores máis destacados das universidades galegas.

O secretario xeral de Universidades, José Alberto Díez de Castro, visitou este luns o centro para coñecer de primeira man as principais liñas de investigación que está a liderar, así como para anunciar o apoio da Consellería de Educación a estes espazos, co obxectivo de asegurar un financiamento estable da súa actividade científica ata o ano 2027.

Para garantir este tipo de apoios, a Xunta incrementou un 31%, ata os 23,6 millóns, o orzamento destinado á Rede de Centros de Investigación Universitaria de Galicia, que incorpora cinco novos centros. Entre eles, dous son de máxima categoría, como é o caso do Cretus, mentres que tres pertencen á nova categoría de colaborativos, que aspiran a entrar nos próximos anos e que tamén recibirán financiamento autonómico.

Este apoio consolida o modelo galego de investigación universitaria, situando a Galicia entre as cinco mellores comunidades autónomas do Estado en apoio á actividade investigadora. Ademais, é a única Comunidade cun programa completo de formación investigadora, cubrindo as etapas predoutoral e postdoctoral, así como cun programa de retención de talento.

CRETUS

O Centro Interdisciplinar en Tecnoloxías Ambientais iniciou a súa actividade en 2015 como agrupación estratéxica coa ambición de promover un centro de investigación referente na concepción, desenvolvemento e avaliación de tecnoloxías ambientais sustentables.

Desde a súa creación, o propósito do Cretus foi combinar as capacidades de diferentes áreas de ciencias experimentais (ecoloxía, ecotoxicología, modelización, química analítica e química ambiental), ciencias sociais (dereito ambiental, psicoloxía social) e de enxeñaría (biotecnoloxía ambiental, enxeñaría ambiental, enxeñaría de procesos) cunha visión holística, para abordar retos máis ambiciosos atendendo a un triplo enfoque: diagnóstico + tecnoloxía + impacto.

Actualmente, conta con 99 investigadores que centran a súa actividade en oito áreas de desenvolvemento en I+D: remediación e usos sustentables do chan, tratamento e recuperación de augas, valorización de residuos, bioindicadores, integración de datos e modelado, monitorización fisicoquímica, procesos sustentables e impacto socioeconómico e ambiental.

A Universidade de Santiago, á que pertence o Cretus, recibirá un financiamento total de máis de 12,7 millóns de euros para os cinco centros de investigación da Rede de Centros de Investigación Universitaria de Galicia que obtiveron a acreditación en excelencia nesta última convocatoria, o que supón un aumento do financiamento para a USC dun 17%.

ÚLTIMAS

Bouza encabeza a lista do PSOE de Santiago ao congreso do PSdeG

O PSOE de Santiago elixiu á súa delegación para o 15º Congreso Nacional que o PSdeG...

Así era Compostela a finais do século XX vista dende o obxectivo de Manuel Chicharro

A Casa do Cabido acolle a mostra Compostela a Lupa. Manuel Chicharro Bisi entre...

O Concello incoa de novo expediente á sala Malatesta por elevados niveis de ruído

O Concello de Santiago notificou a incoación dun novo expediente á sala Malatesta por elevados niveis...

O exconcelleiro socialista José Manuel Pichel declara como investigado polo ‘caso Desproi’

O coñecido como 'caso Desproi' segue en vía xudicial e, despois de que a maxistrada...

Protesta ante a sede de Correos no Franco contra “o recorte de servizos” e a “precarización laboral”

CIG-Correos organizou este mércores unha concentración ante a sede da área noroeste de Correos en Santiago...

O Concello pide á Xunta que “deixe de enredar” e que elimine do rexistro ás VUT que non teñen título habilitante

A concelleira de Turismo e portavoz do Goberno local de Santiago, Míriam Louzao, reclamou...

Raxoi avanza no borrador da taxa turística, que quere trasladar ao sector en próximas semanas

A alcaldesa de Santiago, Goretti Sanmartín, acompañada pola concelleira de Turismo, Míriam Louzao, e polo...