O complexo hospitalario universitario de Santiago de Compostela (CHUS) defendeu o aumento de ambulancias ante as queixas no servizo expostas por parte dalgún usuario con traslado, en concreto, a Lalín. Mentres, desde o Sergas infórmase que a ambulancia de soporte vital avanzado de enfermaría do 061 con base neste municipio asistiu a 353 persoas no que vai de ano.
En concreto, entre o 1 de xaneiro e o 31 de xullo, os meses que rexistraron maior actividade foron os de xaneiro, con 66 servizos, e o de febreiro, con 56. “Tamén se incrementou a calidade da asistencia á poboación a través da atención presencial de pacientes que necesitan coidados de soporte vital avanzado e resolveu o 20,5% dos servizos sen necesidade de traslado a un centro sanitario”, engade o Sergas. Por outra banda, indica que o 23% dos servizos foron solicitados por facultativos de Atención Primaria e o 16% consistiron en asistencias a persoas que sufriron alteración da conciencia.
QUEIXAS
Mentres, sobre a queixa exposta por un usuario, asegura que pasou 14 horas esperando unha ambulancia para volver a Lalín tras recibir o alta no Clínico de Santiago, desde o CHUS afirman que lamentan a tardanza que puidese experimentar este paciente nun servizo, que engaden, “depende dunha empresa externa” e comprométese a trasladar formalmente a queixa “e activar os mecanismos habilitados para estes casos”.
Consultado por Europa Press, remarca que en outubro entrou en funcionamento unha nova contrata “froito dun novo proceso de licitación pública que incluía importantes melloras nas condicións económicas e laborais dos traballadores” e que leva, engade, “un aumento do número de ambulancias de servizo na área sanitaria”. Mentres, sobre o caso concreto engade que se hai unha reclamación responderase á familia.
