A Policía Local de Santiago de Compostela busca ao sospeitoso de orixinar un incendio xunto ao cemiterio de Boisaca na mañá do martes, despois de que recibisen unha denuncia por estes feitos. O lume foi declarado ás 11.57 horas na rúa das Mulas, no barrio de Meixonfrío, onde está situada unha das entradas ao cementario. A Consellería do Medio Rural desprazou a un axente, dúas brigadas e unha motobomba, á vez que tamén se mobilizaron os Bombeiros de Santiago, que informan de que xa está controlado.
Fontes municipais indican que foi un incendio “algo complicado e perigoso” pola proximidade ás vivendas, aínda que non houbo desaloxo de ningunha. Os efectivos de extinción continúan, durante as primeiras horas da tarde, refrescando a zona. Ata alí acudiron de igual forma voluntarios de Protección Civil e a Policía Local, que recibiu a denuncia dun posible sospeitoso de provocar un incendio e está ao buscar.
