A Asociación Área Empresarial do Tambre recibiu a aprobación para desenvolver unha nova edición do Programa Integrado de Emprego de Galicia 2024/2025, financiado pola Consellería de Emprego, Comercio e Emigración da Xunta de Galicia e o Servizo Público de Emprego Estatal (SEPE). O programa ofrece formación e oportunidades de inserción laboral para ata 100 persoas menores de 30 anos e mulleres desempregadas.
Os interesados en participar poden contactar coa Asociación no Centro Empresarial do Tambre, situado na rúa Vía Edison, 1, ou a través do teléfono 981 55 28 50.
Na edición anterior 2023/2024, o programa tiña un compromiso de contratación do 45%, mais logrou superar esta cifra, acadando un 50% de insercións laborais efectivas. Máis de 50 persoas accederon ao mercado laboral tras recibir máis de 450 horas de formación. Desde a Asociación, destacan que este éxito foi froito do ‘compromiso e colaboración de todas as persoas involucradas’, incluíndo participantes, técnicas e empresas colaboradoras que facilitaron prácticas non laborais.
