InicioSANTIAGOBRIÓNBrión acolle unha nova edición da Romaría de Santa Minia con música,...

Brión acolle unha nova edición da Romaría de Santa Minia con música, tradición e inclusión

Catro días de celebración con actividades para todas as idades, incluíndo un festival de rock e o programa inclusivo 'Brión Inclúe'

Publicado o

Xornal de Compostela

A localidade de Brión está preparada para celebrar a tradicional Romaría de Santa Minia, que terá lugar entre os días 26 e 29 de setembro. Esta edición contará con catro días de actividades que incluirán a participación de destacadas orquestras galegas, un festival de rock o sábado e unha xornada de música folk o domingo co concerto de Xabier Díaz & Adufeiras de Salitre.

Unha das novidades principais deste ano é a reapertura parcial da Carballeira de Santa Minia, pechada durante meses por traballos de repoboación. Segundo o alcalde, Pablo Lago Sanmartín, “a veciñanza poderá observar os avances realizados na repoboación da carballeira”, aínda que a zona só se abrirá como espazo de paseo sen actividades programadas.

Como nas edicións anteriores, manterase o Punto Lila, dispoñible para proporcionar apoio a mulleres e persoas LGTBIQ+ en caso de agresións e para sensibilizar ao público sobre a necesidade de garantir espazos libres de violencia.

A romaría deste ano tamén contará con actividades inclusivas grazas ao festival Brión Inclúe, que coincidirá coa celebración e incluirá a actuación de varios grupos na sesión vermú do domingo. Chungo Pastel, Iguatuke e a tiktoker Leti da Taberna serán os encargados de animar a xornada.

Ademais, durante toda a romaría, as atraccións infantís funcionarán nun horario inclusivo de 16:00 a 17:00 horas, sen música nin ruído, para facilitar a participación de persoas con diversidade funcional.

Entre as actividades programadas destacan tamén as tradicionais misas, os postos de venda ambulante e as populares polbeiras, que servirán máis de 5.000 quilos de polbo. A queima da fachada será substituída por un espectáculo de luz e son con vídeo mapping, seguido da tirada de fogos de artificio o xoves pola noite.

ÚLTIMAS

O Concello executará obras no CEIP Quiroga Palacios e destina 300.000 euros ao mantemento dos centros escolares

A concelleira de Educación de Santiago, Míriam Louzao, presidiu este xoves unha nova sesión...

O Obradoiro acolle un acto en memoria das 66.519 persoas refuxiadas falecidas nos últimos tres anos

A Praza do Obradoiro foi escenario este xoves da conmemoración do Día Mundial das...

A cidade histórica perde comercio de barrio mentres medra o negocio turístico: os datos que explican a nova regulación en Santiago

A nova normativa urbanística aprobada inicialmente polo Concello de Santiago chega nun momento crítico...

Crearanse máis de 200 novas vivendas de promoción pública en Ames

A conselleira de Vivenda e Planificación de Infraestruturas, María Martínez Allegue, visitou este venres...

Localizada en bo estado unha veciña de Brión cuxa familia alertou da súa desaparición na tarde do mércores

Os servizos de Emerxencias localizaron a pasada noite a unha veciña de Brión, duns 80...

O PSOE e o PP pactan en Brión para garantir a estabilidade institucional até final de mandato

O Concello de Brión viviu este martes un pleno ordinario no que se fixo...

Detido en Brión un mozo por conducir sen carné e con orde de expulsión vixente

A Garda Civil detivo o pasado xoves, 22 de maio, un mozo de nacionalidade...

LEAVE A REPLY

Please enter your comment!
Please enter your name here