InicioSANTIAGOBOQUEIXÓNA Festa da Filloa de Lestedo é recoñecida como Festa de Interese...

A Festa da Filloa de Lestedo é recoñecida como Festa de Interese Turístico Nacional

O alcalde de Boqueixón recibe en Madrid o diploma que acredita o recoñecemento a esta tradición de máis de corenta anos

Publicado o

Xornal de Compostela

A Festa da Filloa de Lestedo, no concello de Boqueixón, foi oficialmente recoñecida como Festa de Interese Turístico Nacional. O alcalde de Boqueixón, Ovidio Rodeiro Tato, recolleu onte o diploma acreditativo de mans do ministro de Industria e Turismo, Jordi Hereu, nun acto celebrado no Teatro Real de Madrid, coincidindo coa conmemoración do Día Mundial do Turismo.

Ovidio Rodeiro destacou o traballo realizado polos veciños de Lestedo ao longo de máis de corenta anos, salientando que este recoñecemento supón un premio ao seu esforzo. “Os veciños e veciñas de Lestedo levan décadas traballando nesta celebración, e este diploma é o resultado do seu compromiso coa tradición”, afirmou o alcalde. Tamén expresou o seu agradecemento á Xunta de Galicia, especialmente á Dirección Xeral de Turismo, pola colaboración prestada nos últimos anos para acadar esta distinción.

A Festa da Filloa de Lestedo compartiu protagonismo na cerimonia con outras celebracións que tamén foron recoñecidas. Entre elas, destacou outra festa galega, a Festa da Empanada de Bandeira (Silleda), que tamén obtivo o título de Festa de Interese Turístico Nacional. Ademais, dúas festas galegas foron declaradas de Interese Turístico Internacional: a Festa da Lamprea de Arbo e o Arde Lucus.

O alcalde estivo acompañado na cerimonia por varios representantes do municipio e da Asociación Cultural da Filloa de Lestedo, entre eles Pascual Villaverde e Juan Corral, ademais do concelleiro de Industria, Turismo e Desenvolvemento Local, José Luís Mareque Simón, e o director de Competitividade de Turismo de Galicia, Iván Meléndez Medela.

Este recoñecemento sitúa a Festa da Filloa de Lestedo no panorama turístico nacional, destacando o seu valor cultural e a súa longa tradición popular.

ÚLTIMAS

Dous feridos na colisión frontal entre dous coches e un camión nos arredores de Santiago

Dúas persoas resultaron feridas, unha delas de gravidade, na colisión frontal entre dous coches...

O PSdeG non ve a situación do PSOE santiagués como obstáculo para aprobar os orzamentos municipais

O portavoz da Executiva do PSdeG, Julio Torrado, rexeitou este venres que a situación...

A comunidade educativa galega reclama cambios na normativa lingüística no ensino

A comunidade educativa galega reuniuse hoxe en Santiago de Compostela para expresar a súa...

O Ateneo de Santiago analiza os avances no alzhéimer nunha conferencia con José María Prieto

O próximo luns, 17 de febreiro, ás 19:30 horas, o Ateneo de Santiago acollerá...

A Xunta de Galicia inaugura a nova estación depuradora de Sergude, que triplicará a capacidade de tratamento de augas residuais

A Xunta de Galicia finalizou as obras da nova estación depuradora de augas residuais (EDAR) de...

A Festa da Filloa de Lestedo reforza a súa programación tras ser declarada de Interese Turístico Nacional

A Festa da Filloa de Lestedo celebrará o vindeiro 9 de marzo a súa...

Os nenos do Nadal Activo visitan a Casa do Concello de Boqueixón

Os 17 nenos e nenas que participan no programa Nadal Activo, organizado polo Concello...

LEAVE A REPLY

Please enter your comment!
Please enter your name here