InicioSANTIAGOAMESO Concello de Ames lanza novos cursos de alfabetización dixital para o...

O Concello de Ames lanza novos cursos de alfabetización dixital para o último trimestre de 2024

A programación inclúe actividades para adultos e menores e a preparación para a certificación COMDIX

Publicado o

Xornal de Compostela

O Concello de Ames presentou hoxe a nova programación de actividades da Aula Municipal Tecnolóxica da Información e da Comunicación do Milladoiro (AMTIC), que se desenvolverá durante os meses de outubro, novembro e decembro. O anuncio fíxose nun acto celebrado na Casa da Cultura do Milladoiro, onde o alcalde de Ames e concelleiro de Tecnoloxías da Información, Blas García, destacou a importancia desta oferta formativa para mellorar as competencias dixitais da veciñanza.

A técnica responsable da AMTIC, Almudena Caamaño, explicou que se busca “ofrecer actividades tanto para adultos como para menores, con diferentes temáticas que atraian a diversos sectores da poboación”. Entre as principais novidades, Caamaño subliñou os cursos de preparación para a obtención da Certificación Galega de Competencias Dixitais (COMDIX), que buscan mellorar a preparación dos participantes de cara á proba.

Estefanía Muíño, de Estudios Rafer, entidade encargada da xestión das actividades, sinalou que a formación é un importante recurso de conciliación para as familias, ademais de facilitar o acceso ás instalacións da AMTIC.

A programación inclúe cursos de alfabetización dixital en diversas parroquias de Ames, como Agrón, Tapia, Augapesada e Ortoño, ofrecendo un total de 108 prazas. Tamén haberá cursos para nenos e adultos na propia AMTIC, incluíndo temáticas como a administración electrónica e as compras seguras en internet.

As inscricións están abertas ata o 16 de outubro e pódense realizar a través do enderezo informatica.milladoiro@concellodeames.gal ou no teléfono 674 594 843.

ÚLTIMAS

O empresario detido en Santiago está vinculado a unha rede de fraude na venda de bebidas alcohólicas

O empresario que foi detido pola Unidade Central Operativa (UCO) da Garda Civil o...

Galiza Nova protestará este vindeiro luns contra a Medalla de Ouro de Galicia da Xunta á princesa Leonor

Galiza Nova, organización xuvenil do BNG, protestará este luns, 14 de xullo, en Santiago...

Festas do Apóstolo: Sés, Baiuca e atraccións na Alameda cun cartel anunciador homenaxeando a Castelao

As festas do Apóstolo arrincan a próxima semana en Santiago de Compostela, cunha aposta...

Coñecemos o primeiro coworking rural de Galicia que deu renda solta á creatividade do campo

Hai lugares que nacen da necesidade e medran coa forza da comunidade. No pequeno concello...

O Concello de Ames celebra o Día do Orgullo LGBTIQ+ cun acto institucional, actividades e premio fotográfico

O Concello de Ames sumouse este sábado á celebración do Día Internacional do Orgullo...

Ames colabora na III Cea Solidaria para mellorar a atención pediátrica do CHUS

O Concello de Ames reafirmou o seu compromiso coa solidariedade e a sanidade pública...

Ames aproba de forma inicial a ordenanza para instaurar as cerimonias de ‘Benvida Social’

O Concello de Ames aprobou de forma inicial, na sesión plenaria deste xoves, a...

LEAVE A REPLY

Please enter your comment!
Please enter your name here