InicioSANTIAGOAMESAmes organiza un partido solidario para apoiar os campamentos saharauís afectados polas...

Ames organiza un partido solidario para apoiar os campamentos saharauís afectados polas inundacións

O encontro entre o Bertamiráns FC e o Bastavales UD busca recadar fondos para SOGAPS e concienciar sobre a crise humanitaria

Publicado o

Xornal de Compostela

O Concello de Ames acollerá o domingo, 10 de novembro, un partido solidario no campo municipal de Bertamiráns entre o Bertamiráns FC e o Bastavales UD, co obxectivo de recadar fondos para apoiar á Sociedade Galega de Amigos do Pobo Saharauí (SOGAPS) na súa campaña de emerxencia tras as graves inundacións que asolaron os campamentos de refuxiados saharauís. A iniciativa permitirá destinar a contía recadada pola venda de entradas, ao prezo de 5 euros, á axuda humanitaria en apoio das máis de 600 familias afectadas polas intensas choivas.

A presentación do evento tivo lugar no salón de plenos da Casa do Concello e contou coa participación de Susana Señorís, concelleira de Deportes, Uxía García, concelleira de Benestar Social, Esther Ybarra, representante comarcal de SOGAPS, e Rafael Budiño, presidente do Bertamiráns FC. Segundo explicou Señorís, o obxectivo é mostrar o compromiso de Ames coa solidariedade: “Queremos que Ames continúe amosando o seu carácter solidario, e agradecemos aos clubes do concello a súa colaboración constante en causas que requiren apoio urxente”.

UNHA CAUSA SOLIDARIA PARA UNIR DEPORTE E COMUNIDADE

Uxía García, concelleira de Benestar Social, animou á veciñanza a participar nesta xornada solidaria: “Esta é unha oportunidade para gozar do deporte mentres contribuímos a unha causa solidaria coa que levamos tempo colaborando”. Destacou que SOGAPS e o Concello de Ames xa manteñen un vínculo forte a través de diferentes proxectos solidarios.

Esther Ybarra, en nome de SOGAPS, agradeceu a colaboración do Bertamiráns FC e do Concello de Ames, destacando a disposición de ambos para colaborar con esta causa humanitaria, sinalando que o apoio do club, “que cede unha taquilla enteira dun partido, supón un gran xesto para axudar aos campamentos saharauís nun momento de gran necesidade”.

Ademais do partido, o evento contará con actividades complementarias como a venda de rifas para o sorteo dunha cesta de froita e dunha cea doada polo restaurante Milongas, segundo explicou María Brea, en representación das familias acolledoras do programa Vacacións en Paz.

As doazóns e a recadación do evento serán destinadas á rehabilitación de vivendas e infraestruturas, á subministración de víveres, medicamentos e produtos de primeira necesidade, apoiando así aos habitantes dos campamentos saharauís para que poidan afrontar as necesidades máis urxentes tras os danos sufridos.

ÚLTIMAS

As Tanxugueiras enchen a Quintana no día grande das Festas da Ascensión

Tanxugueiras protagonizaron este xoves 29 de maio o momento máis esperado do día grande...

(VÍDEO) A Asociación de Pacientes do CHUS denuncia unha vez máis que o sistema de buzón para consultas vulnera a normativa sanitaria

A Asociación de Pacientes e Usuarios do CHUS, con sede en Santiago de Compostela,...

Santiago acolle a reunión europea de liderado en física moza con participantes de máis de 20 países

A cidade de Santiago será o escenario da 13th Young Minds Leadership Meeting, un...

Inaugurada a exposición ‘Unha ollada sobre Palestina’ no centro sociocultural de Conxo, con 22 fotografías de Gaza

A Plataforma Compostela por Palestina, en colaboración co Concello de Santiago, inaugurou este venres...

Ames analiza o futuro das comunidades enerxéticas nunha xornada aberta o 4 de xuño

O auditorio da Casa da Cultura do Milladoiro, en Ames, converterase o vindeiro mércores,...

Ames constitúe a asociación CE Ames Solar para impulsar comunidades enerxéticas locais

O Pazo da Peregrina de Bertamiráns acolleu onte a asemblea fundacional da asociación CE Ames...

O Concello de Ames celebra a VI Festa do Apego cunha xornada de actividades en galego para familias

O Concello de Ames convida a participar o sábado 7 de xuño na VI...

LEAVE A REPLY

Please enter your comment!
Please enter your name here