O pasado domingo, 13 de outubro, celebrouse en Ferrol o Campionato Galego Cadete, Junior e Sub21 de karate, onde o deportista amesán Raúl Rodríguez obtivo a medalla de ouro na categoría kumite cadete <57 kg. Esta vitoria supón o cuarto ano consecutivo no que Raúl Rodríguez acada o primeiro posto no campionato autonómico, consolidando a súa traxectoria no mundo do karate e recoñecendo o seu esforzo continuado.
Rodríguez, pertencente á Escola Dokkodo, afronta agora novos retos, entre os que destacan a preselección para o Campionato de España e a participación na Liga Nacional, que se celebrará en Santander.
Ademais, dous técnicos da mesma escola, que tamén exercen como árbitros nacionais, formaron parte do equipo arbitral no campionato, contribuíndo ao bo desenvolvemento da competición.
