InicioPOLÍTICASanmartín destaca o diálogo de Xunta e Goberno para o traslado de...

Sanmartín destaca o diálogo de Xunta e Goberno para o traslado de migrantes e reitera: “Santiago é acolledora”

Publicado o

Xornal de Compostela

A alcaldesa de Santiago, Goretti Sanmartín, celebrou o acordo entre a Xunta e o Goberno de abrir unha canle de comunicación “fluída e constante” para a coordinación do traslado de inmigrantes a Galicia e insiste en que a capital galega é unha cidade “acolledora e hospitalaria”.

A preguntas dos medios este venres nunha visita á Praza de Abastos, a rexedora sinalou que para o concello compostelán a situación “xa estaba máis que desbloqueada”. “Dixemos desde o primeiro momento que iamos colaborar, que non se pode xogar coas persoas que están a sufrir unha crise, fuxindo dos seus lugares de procedencia, e que o Concello sempre vai estar”, afirmou.

Nesta liña, reivindicou que “calquera colaboración entre administracións” debe ser “a maneira de proceder en todos e cada un dos asuntos“, pero, engadiu, “moito máis cando se fala de temas de refuxiados, de xente que ten que irse dos seus fogares”.

Así mesmo, explicou que estas persoas chegarán a partir do 25 de xullo “de maneira graduada”. Neste sentido, cuestionada sobre se podería afectar o dispositivo das Festas do Apóstolo, Sanmartín argumentou que existe “un reforzo” nos servizos de emerxencia e policiais e, “se chegan o 25 de xullo e hai que atender a iso, tamén se fará”.

“A pesar de que haxa festas, que imos estar e a gozar delas, o certo é que tanto as guerras, como as crises de emigración non teñen data, infelizmente, e hai que estar alí as distintas administracións para botar unha man”, aseverou. Segundo as últimas informacións, está previsto que uns 200 migrantes cheguen a partir do 25 de xullo ao albergue Monte do Gozo, na capital galega.

ÚLTIMAS

Os tribunais ordenan a expulsión de oito novos migrantes con solicitudes de asilo en Santiago

O Boletín Oficial do Estado (BOE) publicou en días pasados oito novas expulsións de...

Louzao confía na aprobación dos orzamentos e espera “responsabilidade e altura de miras”

A portavoz do goberno local de Santiago, Míriam Louzao, mostrou a súa confianza en que...

(FOTOS) Milleiros de persoas maniféstanse en Compostela en defensa do galego

Miles de persoas participaron este domingo en Santiago de Compostela na manifestación convocada pola...

Luisito Campos asume o cargo de adestrador da SD Compostela ata final de tempada

A Sociedade Deportiva Compostela anunciou a incorporación de José Luis Míguez Iglesias 'Luisito' como...

Sumar Galicia elixe 36 representantes para a asemblea estatal en Madrid

A formación Sumar Galicia contará con 36 representantes na asemblea estatal que a organización...

Sanmartín confía en aprobar os orzamentos municipais en Santiago

A alcaldesa de Santiago de Compostela, Goretti Sanmartín, mostrou este sábado a súa confianza...

Os socialistas de Santiago reuniranse o vindeiro luns para tratar postura sobre os orzamentos

A dirección do PSOE local de Santiago convocou unha reunión de traballo o vindeiro...