HomePOLÍTICAO Concello de Santiago apoia no pleno unha declaración institucional en favor...

O Concello de Santiago apoia no pleno unha declaración institucional en favor das persoas afectadas pola ELA

Todos os grupos municipais instan á tramitación da Lei ELA para garantir a cobertura sociosanitaria necesaria

Publicado o

Por Xornal de Compostela

O pleno do Concello de Santiago aprobou este xoves, na sesión ordinaria de maio, unha declaración institucional avalada por todos os grupos municipais en apoio ás persoas afectadas pola Esclerose Lateral Amiotrófica (ELA), co obxectivo de impulsar a tramitación da Lei ELA.

Nesta declaración, os catro grupos municipais demandan a tramitación desta lei para que “as persoas afectadas por esta cruel enfermidade, familiares e coidadoras, sexan amparadas, en igualdade de trato co resto de persoas enfermas de calquera patoloxía, coa cobertura sociosanitaria que necesitan para poder vivir con dignidade”.

A corporación local quere “usar a súa voz para facer chegar unha petición alta e clara ás Cortes Xerais españolas” para que se tomen as medidas necesarias para “evitar a morte innecesaria e inxusta de persoas enfermas, o esgotamento dos recursos propios e familiares na súa atención e a desesperación das afectadas”.

Ademais, subliñan que esta nova norma “non pode volver ser anulada por trámites burocráticos, por dejamiento lexislativo ou por establecemento doutras prioridades” e destacan que, aínda que non teñen competencias sanitarias, os municipios, “como entidades públicas máis próximas á realidade cotiá da súa poboación” non poden nin deben “dar as costas a aqueles que máis precisan” do compromiso público “para superar o seu día a día”.

TRABALLO DE ASOCIACIÓNS

O Goberno local tamén destacou que a declaración recoñece o traballo realizado polas asociacións de persoas afectadas e entidades colaboradoras, especialmente a asociación AGAELA.

Deste xeito, o Concello comprométese a instar o Estado a que “proceda á tramitación de maneira preferente, urxente e prioritario dunha proposición de lei que recolla as mellores achegas de cada unha das normas aprobadas”, e á Deputación da Coruña e á Xunta de Galicia para que, dentro das súas competencias, “teñan en conta as necesidades do colectivo de pacientes e familiares á hora de deseñar, implementar e aplicar políticas que poidan incidir na mellora da calidade de vida das persoas afectadas”.

Tamén manifesta a súa intención de “continuar prestando apoio público á reivindicación legal contida nesta moción, ata o momento en que a norma sexa publicada e entre en vigor”.

ÚLTIMAS

Vítimas do accidente de Angrois volven concentrarse este mércores tras un ano á espera da sentenza

Vítimas do accidente do tren Alvia ocorrido na curva da Grandeira, no barrio compostelán...

Éxito rotundo das ‘Noites en Vela’ na Ponte Maceira con música e luz

A edición 2024 das 'Noites en Vela' celebrada na Ponte Maceira foi un éxito...

Santiago prepárase para o 25 de xullo coa Ofrenda ao Apóstolo e a Alba de Compostela como cerimonias principais

A capital galega prepárase para un 25 de xullo, Día Nacional de Galicia, que...

Científicos da USC lanzan un manifesto contra a “macrocelulosa” de Altri

Científicos dos departamentos de Botánica, Bioloxía e Zooloxía da Universidade de Santiago de Compostela...

Parques infantís, aparcadoiros e Multixogo Nadal: esixencias do PSOE para negociar remanentes

O grupo socialista de Santiago móstrase aberto a negociar a repartición de remanentes municipais,...

Sanmartín destaca o diálogo de Xunta e Goberno para o traslado de migrantes e reitera: “Santiago é acolledora”

A alcaldesa de Santiago, Goretti Sanmartín, celebrou o acordo entre a Xunta e o...

Como en anteriores ocasións, Feijóo estará o 25 de xullo na Ofrenda do Apóstolo

O líder do Partido Popular, Alberto Núñez Feijóo, participará o próximo 25 de xullo, Día de...