InicioPOLÍTICAMila Castro denuncia o abandono do antigo vertedoiro de Aríns e reclama...

Mila Castro denuncia o abandono do antigo vertedoiro de Aríns e reclama unha actuación urxente

A concelleira non adscrita levará ao pleno unha iniciativa para recuperar o espazo como zona verde e educativa tras o seu selado en 2022

Publicado o

Xornal de Compostela

A concelleira non adscrita de Santiago, Mila Castro, fixo público o estado actual do antigo vertedoiro de Aríns, un espazo que fora obxecto dun proxecto de selado, clausura e rexeneración ambiental finalizado en 2022. Segundo indicou, a actuación, executada durante o anterior mandato municipal, supuxo un investimento próximo aos 850.000 euros e tiña como finalidade recuperar unha área degradada durante décadas.

O proxecto permitiu transformar o antigo vertedoiro nunha superficie de arredor de 32 hectáreas, concibida como un gran espazo verde integrado na contorna natural e destinado ao uso público. Entre os seus obxectivos figuraban a creación dunha zona de lecer, o impulso da educación ambiental e a posta en valor dun ámbito ata entón degradado.

Porén, segundo denunciou Castro, a situación actual dista dos propósitos iniciais. A concelleira asegurou que o recinto presenta un estado de “abandono xeralizado, con abundante maleza, falta de mantemento, un peche perimetral deficiente que permite o acceso incontrolado e a ausencia total de uso público”. Neste sentido, sostivo que “non queda rastro do esforzo realizado” tras a intervención.

Castro advertiu de que este deterioro implica consecuencias tanto ambientais como de seguridade, ademais de supoñer “unha evidente perda de oportunidade para a cidade” e un desaproveitamento do investimento realizado. “Un millón de euros non poden ter como resultado un ermo abandonado”, engadiu.

Ante esta situación, a concelleira avanzou que presentará no vindeiro pleno municipal unha proposta para instar ao goberno local a actuar de maneira inmediata. Entre as medidas incluídas figuran a limpeza, o desbroce, o acondicionamento do espazo e a mellora das condicións de seguridade, así como a elaboración dun plan que permita o seu uso como zona verde pública.

A iniciativa tamén recolle o impulso de accións vinculadas á educación ambiental, coa creación de itinerarios e a posibilidade de desenvolver actividades ao aire libre dirixidas a centros educativos, co obxectivo de divulgar os procesos de recuperación ambiental.

Finalmente, Castro solicitará ao goberno municipal que recade información da Xunta de Galicia sobre o estado do plan de vixilancia e control posterior á clausura do vertedoiro, así como que se garanta o seu cumprimento conforme á normativa vixente.

ÚLTIMAS

A acampada pola vivenda comeza a desmontarse no Obradoiro

A acampada pola vivenda de Santiago de Compostela iniciou a recollida e reorganización do...

Denuncian no Obradoiro que a Policía acurralou e golpeou manifestantes tras a marcha do 11N

Unha trintena de persoas concentrouse este sábado na praza do Obradoiro, en Santiago de...

Feijóo promete en Santiago que “non volverá haber corrupción” se goberna o PP en España

Alberto Núñez Feijóo comprometeuse este sábado no Multiusos Fontes do Sar a impulsar a construción...

O PSdeG apela ao voto útil nun encontro con cargos públicos da comarca de Santiago

Os candidatos socialistas Sindo Guinarte e Ana Alvite reuníronse este sábado con cargos públicos...

Feijóo promete en Santiago que “non volverá haber corrupción” se goberna o PP en España

Alberto Núñez Feijóo comprometeuse este sábado no Multiusos Fontes do Sar a impulsar a construción...

O PSdeG apela ao voto útil nun encontro con cargos públicos da comarca de Santiago

Os candidatos socialistas Sindo Guinarte e Ana Alvite reuníronse este sábado con cargos públicos...

Borja Verea e Martínez-Almeida abordan os retos da política municipal e reivindican o liderado de Feijóo en Santiago

O presidente do Partido Popular de Santiago, Borja Verea, e o alcalde de Madrid,...

LEAVE A REPLY

Please enter your comment!
Please enter your name here