HomeOPINIÓNDunha cidade anémica, da capital cultural do país e dunha alcaldesa a...

OPINIÓN

Dunha cidade anémica, da capital cultural do país e dunha alcaldesa a velas vir

Publicado o

Por Daniel Chapela
Daniel Chapela
Daniel Chapela
Daniel Chapela (Meiro, Bueu, 1999) é filólogo galego, membro da USC e coordinador de Cultura do PPdeG desde maio de 2022. Os seus intereses céntranse na política municipal e galega e na dinamización da cultura do país.

Santiago de Compostela non é unha cidade a secas. É a capital de Galicia e o referente do noroeste da Península. O lugar que atesoura as principais institucións do país, desde as políticas, até as culturais, pasando polas educativas. Porén, a pesar de todas as potencialidades que podería ofrecer —o único requisito é un goberno á altura e ambicioso o que, polo visto, é demasiado pedir—, o bipartito BNG-CA insiste en manter a situación de anemia cultural, cunha programación impropia e cunha organización claramente errática. Mostra evidente é a oferta polo Día das Letras Galegas, anunciada na propia semana (planificar, para que?) e cunhas propostas claramente escasas.

A realidade é que o goberno de Goretti Sanmartín, quen desde a oposición censuraba a inacción de Bugallo, hoxe é unha fiel discípula do exalcalde socialista. Aquela que outrora berraba que Santiago tiña fame de cultura, hoxe é quen ten a dieta a cidade. Non é nin por falta de recursos públicos, nin por falta de asesores a contratar —fáltalles contratar un asesor que asesore o asesor que asesora o asesor—, nin pola ausencia dunha concelleira delegada, Míriam Louzao, que cobra unha remuneración substancial para poñer en marcha medidas que devolvan a Santiago á capitalidade cultural do país, non por estar esperando a que o traballo lle veña feito doutros lados.

É evidente que a tarefa de posicionar de volta a Compostela como o máximo referente é un traballo que implica dedicación e afán, características das que o goberno de Goretti Sanmartín carece, mais a nosa cidade non pode perder máis os trens, que seguen a pasar por diante dos ollos dos picheleiros de nacemento e adopción sen facer parada. É imprescindible que se traballe para artellar unha oferta á altura, pois hai tecido, hai público e hai infraestruturas. Non é de recibo que a negativa a tecer pontes coa Cidade da Cultura ou a establecer colaboracións co sector empresarial —ben por unha simple cuestión ideolóxica, ben por incapacidade, e non sei cal das opcións é peor— frustre o futuro cultural de Santiago. Tampouco é lóxica a incompetencia ou a falta de xestión para atraer cara á nosa cidade grandes producións de talle estatal e internacional, que, combinadas coa magnífica produción galega, permita dotar a capital galega dunhas propostas á altura en materia de artes escénicas, musical etc.

Até o de agora, o (des)goberno de Sanmartín, que leva a velas vir desde que foi nomeada alcaldesa hai case un ano, estivo instalado na inoperancia, a pesar de aumentar o gasto público para “gobernar” e de chegar á alcaldía a lombos das críticas contra a inacción do anterior alcalde. É a hora de que BNG e CA se tomen as súas responsabilidades en serio e aposten de verdade pola cidade. E, se non saben ou non queren, a porta de saída sempre está aberta. A cidadanía non ten que pagalas porque o goberno menos votado non saiba xestionar.

ÚLTIMAS

Sanmartín destaca o diálogo de Xunta e Goberno para o traslado de migrantes e reitera: “Santiago é acolledora”

A alcaldesa de Santiago, Goretti Sanmartín, celebrou o acordo entre a Xunta e o...

Como en anteriores ocasións, Feijóo estará o 25 de xullo na Ofrenda do Apóstolo

O líder do Partido Popular, Alberto Núñez Feijóo, participará o próximo 25 de xullo, Día de...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O aluguer é o que máis tensiona o mercado da vivenda, segundo un estudo encargado polo Concello

O concelleiro de Urbanismo de Santiago, Iago Lestegás, informou este venres no pleno da...

Dun Apóstolo desaparecido, da falta de valentía política e da necesidade dun cambio

Onde quedaron aqueles tempos dun Santiago de Compostela vibrante, con concertos para todos os...

Eufemismos que crean crispación na sanidade galega

Eufemismo: “ Recurso lingüístico co que se evita unha palabra ou expresión que designa...

Verán, festivais: preguiza

Chegou o verán, e con el unha das cousas que peor lle sentan á...

LEAVE A REPLY

Please enter your comment!
Please enter your name here