InicioMOV. SOCIAISAs traballadoras do estudio Beatriz Seijo continúan en folga indefinida por melloras...

As traballadoras do estudio Beatriz Seijo continúan en folga indefinida por melloras laborais

O comité de folga denuncia a falta de avances nas negociacións e anuncia novas mobilizacións e accións reivindicativas

Publicado o

Xornal de Compostela

As traballadoras dun centro de ensinanzas artísticas situado en Santa Marta, Santiago de Compostela, iniciaron unha folga indefinida para esixir o respecto aos seus dereitos laborais e melloras nas súas condicións de traballo. Nun comunicado emitido ao final dunha concentración celebrada esta semana, a delegada sindical da CIG agradeceu o apoio recibido por parte do alumnado e das súas familias, subliñando que esta protesta responde tamén ás necesidades dos usuarios, que sofren unhas ratios excesivas e a ausencia dun plan de seguridade específico.

Entre as demandas principais das traballadoras figuran a readmisión dunha compañeira despedida cunha relación laboral de falsa autónoma, a equiparación salarial, o cumprimento do convenio laboral en aspectos como o calendario, rexistro horario e compensación de horas extras, así como a regularización das categorías profesionais e da antigüidade.

O comité de folga denunciou que, malia os varios meses de conflitos e intentos de negociación, a empresa só respondeu con desaires e falta de respecto. Aseguran que, a pesar dun achegamento verbal por parte dos responsables da empresa, as cuestións clave continúan sen resolverse.

NOVAS MOBILIZACIÓNS

Ademais de continuar coa folga indefinida, as traballadoras anunciaron máis accións de protesta. Este xoves, 12 de setembro, ás 17:00 horas, organizarán unha aula aberta reivindicativa fronte ao centro de traballo en Santa Marta, na que combinarán a ensinanza artística coa exposición da súa situación laboral. O martes, 17 de setembro, realizarán outra concentración ás 12:00 horas, seguida doutra aula aberta á tarde, ás 17:00 horas.

O comité destaca que, malia o esforzo económico que supón para o persoal, continuarán adiante coas súas reclamacións ata que se respecten os seus dereitos laborais.

ÚLTIMAS

O Teatro Principal entrega a Alba de Compostela a catro referentes locais no Día da Patria Galega

O Teatro Principal de Santiago de Compostela acolleu este 25 de xullo un dos...

O misterio do Apóstolo: espiritualidade, estratexia e construción de Europa

Cada 25 de xullo, Galicia celebra o día do seu patrón, o Apóstolo Santiago....

Rosalía de Castro recibe unha emotiva homenaxe en Bonaval

Diversas autoridades renderon homenaxe neste venres 25 de xullo, Día de Galicia, á insigne...

Unha alfombra floral honra a Díaz Pardo na Praza da Inmaculada

Unha alfombra floral conmemora ao artista e intelectual galeguista Isaac Díaz Pardo (1920-2012) na...

Vítimas do accidente de Angrois denuncian que “o Estado non resposta” nin asumiu “ningunha responsabilidade”

A plataforma de vítimas do accidente do tren Alvia ocorrido en Angrois en xullo de 2013...

Vítimas de Angrois esixen un novo informe sobre o accidente do que só se culpa ao maquinista doce anos despois

Vítimas do descarrilamento do tren Alvia ocorrido en Angrois (Santiago) en xullo de 2013...

Artistas galegos promoven un acto por Palestina con música, cinema e poesía na Oficina Rúa

O espazo Oficina Rúa, na rúa San Pedro de Santiago de Compostela, acollerá o...

LEAVE A REPLY

Please enter your comment!
Please enter your name here