InicioMOV. SOCIAIS"¡No te lo piérdaste!" Así é a campaña para dignificar o uso...

“¡No te lo piérdaste!” Así é a campaña para dignificar o uso correcto do galego na comunicación

'Dignifica a túa comunicación en galego' busca concienciar sobre a importancia de usar correctamente o idioma nas comunicacións públicas e privadas

Publicado o

Xornal de Compostela

Nos últimos días, quen paseou por Santiago de Compostela puido atopar uns carteis con mensaxes deliberadamente mal escritas en castelán como “¡No te lo piérdaste!” ou “¿Aún no registrástete?”. Estas frases son o resultado de traducir literalmente expresións en galego recollidas por A Masa, unha axencia de comunicación dixital, a partir de correos electrónicos e outras comunicacións de administracións públicas e empresas. Esta iniciativa forma parte dunha campaña de marketing de guerrilla que pretende xerar conciencia sobre o uso correcto do galego.

Segundo explican dende A Masa, a campaña titulada ‘Dignifica a túa comunicación en galego‘ lanzouse co obxectivo de reivindicar a dignidade e a corrección no uso do idioma galego nas comunicacións durante todo o ano, non só no Día das Letras Galegas. “Queremos destacar que se non prestamos atención ao idioma, non só se degrada o galego, senón tamén a comunicación e a credibilidade das marcas”, declaran dende a axencia.

Os carteis, que se distribuíron en puntos estratéxicos da cidade, presentan mensaxes en branco e negro onde o deseño tipográfico chama poderosamente a atención. A elección de traducir mal intencionadamente ao castelán busca resaltar os frecuentes erros que se atopan nas traducións automáticas e nas comunicacións en galego. “É raro ver erros deste calibre en publicidade e comunicacións noutros idiomas, mais no caso do galego non é difícil atopar exemplos que veñen de malas traducións automáticas, faltas ortográficas, etc.”, afirman dende A Masa.

A Masa, Comunicación Artesanal, fundada por Carolina Buján e Eva Antelo, é unha axencia que combina a sensibilidade da artesanía coa comunicación dixital. Ofrece servizos de consultoría en comunicación, deseño web, estratexia online e xestión de redes sociais, buscando sempre respectar e potenciar a identidade lingüística das marcas coas que traballa.

ÚLTIMAS

Reaccións á restitución das estatuas: “é o traballo de moita xente” di o exasesor xurídico do Concello de Santiago

"É un éxito de moita xente, do traballo de varios equipos, gobernos, grupos e...

Sanidade espera que o novo decano de Medicina finalice o mandato como o único de toda Galicia

O conselleiro de Sanidade, Antonio Gómez Caamaño, desexou "sorte" ao novo decano da Facultade...

San Pedro sae á rúa: guía día a día das súas festas

O barrio de San Pedro prepárase para vivir unha nova edición das súas festas,...

Paralizan as obras da Intermodal de Santiago para denunciar a negativa da patronal da construción a negociar

As obras da estación intermodal de Lugo víronse interrompidas durante unha hora este xoves...

Compostela súmase á campaña estatal polo acollemento familiar cun acto simbólico na Alameda

O Parque da Alameda de Santiago de Compostela será o escenario, o vindeiro 17...

Unha manifestación polo crime machista de Moraña colapsa momentaneamente o tráfico na Virxe da Cerca

Unha manifestación feminista convocada pola Marcha Mundial das Mulleres denunciou esta tarde en Santiago...

“Non mates as Mates”: centenares de persoas denuncian a decisión “inxusta” da Xunta de suprimir o máster de Matemáticas da USC

A porta principal do Parlamento de Galicia converteuse esta mañá nunha aula ao aire...

LEAVE A REPLY

Please enter your comment!
Please enter your name here