InicioMOV. SOCIAISAs traballadoras das residencias privadas galegas secundan unha nova xornada de folga

As traballadoras das residencias privadas galegas secundan unha nova xornada de folga

A manifestación partirá este sábado da Alameda de Santiago en demanda dun convenio colectivo con mellores condicións laborais

Publicado o

Xornal de Compostela

O sector das residencias privadas de Galicia vive este sábado 26 de abril a segunda das catro xornadas de folga convocadas pola CIG-Servizos, coa participación de traballadoras que reclaman un ‘convenio digno e salarios xustos’. A protesta terá un dos seus momentos centrais en Santiago de Compostela, onde está convocada unha manifestación con saída ás 11.00 horas desde a Alameda.

A mobilización en Compostela forma parte dun calendario de protestas en varias localidades galegas, como A Coruña, Ferrol, Vilagarcía, Carballo, Pontevedra e Vigo, impulsadas pola central sindical. A CIG asegura que o seguimento da folga está a facerse notar tamén a través de concentracións espontáneas diante dos centros de traballo, especialmente durante os descansos e os cambios de quenda.

As traballadoras denuncian condicións laborais precarias, entre elas a sobrecarga de tarefas, a realización de funcións alleas ao seu posto, a escaseza de tempo para a atención ás persoas usuarias e uns salarios baixos, aos que suman cocientes de persoal que consideran “obsoletos”. Segundo explica o sindicato, esta situación afecta de forma directa á calidade asistencial e ao benestar das propias empregadas.

O secretario de Negociación Colectiva da CIG-Servizos, Adolfo Naya, advertiu de que o sindicato está a avaliar posibles denuncias contra empresas do sector que comunicaron os servizos mínimos con posterioridade ao inicio da folga, feito que considera unha vulneración do dereito constitucional á folga: ‘Non o imos consentir’, asegurou.

As mobilizacións continuarán os días 7 e 21 de maio, e, segundo informou o sindicato, de non producirse avances na negociación dun novo convenio colectivo, estudarase a posibilidade de incrementar a intensidade das protestas nas semanas seguintes.

A CIG chama á sociedade a apoiar as súas reivindicacións, co obxectivo de garantir unha mellora das condicións laborais nun sector esencial para os coidados e a atención ás persoas maiores en Galicia.

ÚLTIMAS

(VÍDEO) As Tanxugueiras volverán ser cabeza de cartel nas Festas da Ascensión cunha actuación na Praza da Quintana

A concelleira de Festas de Santiago de Compostela, Pilar Lueiro, anunciou a actuación das...

Escenas do Cambio comeza en Santiago cunha proposta innovadora de danza, música e teatro

O festival Escenas do Cambio, impulsado pola Consellería de Cultura, Lingua e Xuventude, dará...

O PP solicita explicacións e reparación inmediata do ascensor de Triacastela

O concelleiro do Partido Popular de Santiago, Adrián Villa, demanda a reparación urxente do...

A Audiencia Provincial xulgará unha muller acusada de estafa e falsidade documental

O próximo venres a Audiencia Provincial da Coruña acollerá o xuízo contra unha muller...

O Concello lanza unha nova convocatoria de bonotaxis para mellorar a mobilidade de maiores e persoas con discapacidade

O Concello de Santiago anunciou unha nova convocatoria de bonotaxis para mellorar a mobilidade...

A concelleira de Servizos Sociais considera insuficientes as 60 vivendas protexidas que se adxudicarán en maio

A concelleira de Dereitos e Servizos Sociais de Santiago, María Rozas, manifestou a súa...

Alcer organiza unha nova edición de ‘7 Vidas’ para sensibilizar sobre a doazón e a saúde renal

A Asociación de Loita Contra as Enfermidades do Ril (Alcer) continúa un ano máis...