InicioMOV. SOCIAISA Asociación de Pacientes do CHUS denuncia atrasos nas consultas polo sistema...

A Asociación de Pacientes do CHUS denuncia atrasos nas consultas polo sistema do ‘buzón’

O colectivo reclama que se garanta a asignación de citas no momento da solicitude para evitar prexuízos aos doentes

Publicado o

Xornal de Compostela

A Asociación de Pacientes e Usuarios do CHUS volveu expresar a súa preocupación polo uso das “axendas dinámicas”, coñecidas como o sistema do “buzón”, que consideran unha práctica ilegal segundo a normativa sanitaria vixente en Galicia. A entidade denuncia que este método de xestión de citas está a vulnerar os dereitos dos pacientes e está a provocar demoras significativas nas consultas e probas diagnósticas.

A asociación lembra que a Orde do 13 de xullo de 2004 establece que os pacientes deben recibir a data da súa consulta externa ou proba diagnóstica no momento en que é solicitada polo facultativo. Só en casos excepcionais podería quedar pendente de concretar. Con todo, denuncian que esta excepción converteuse na norma, obrigando os doentes a esperar a que se lles comunique a cita sen un prazo establecido.

Ademais, segundo explican, os profesionais sanitarios especifican unha data idónea para cada consulta ou proba, pero estas previsións non se cumpren con regularidade, xerando atrasos que afectan a doentes con patoloxías graves.

A problemática vese reflectida en testemuños como o de Patricia Vilasenín, paciente oncolóxica en remisión, que acumula nove citas pendentes de data e experimenta atrasos de ata catro meses en revisións médicas esenciais.

Teño unha resonancia cerebral pendente desde novembro de 2024 e unha consulta posterior con catro meses de atraso. As miñas revisións en Oncoloxía deberían ser trimestrais, pero estou pendente de que me concreten unha para xullo, cando a última foi hai seis meses”, explica. A paciente destaca tamén os atrasos en servizos como Xinecoloxía e a Unidade da Dor, con tempos de espera de entre dous e catro meses.

Vilasenín sinala que estas demoras afectan tanto á calidade de vida como ao estado anímico dos pacientes, destacando que a incerteza e a falta de recursos xeran impotencia e frustración. “Os atrasos non obedecen a criterios médicos, senón a problemas de organización e falta de medios”, denuncia.
RECLAMAN A ELIMINACIÓN DO SISTEMA DE ‘BUZÓN’

A Asociación de Pacientes e Usuarios do CHUS insta ao SERGAS a recuperar o sistema de asignación inmediata de citas, de maneira que todos os pacientes co criterio médico necesario reciban unha data concreta desde o momento en que solicitan unha consulta especializada ou proba diagnóstica.

Ademais, solicitan a eliminación do sistema de “buzón” e a posta en marcha dun procedemento regulado que garanta que os tempos de espera respecten os criterios clínicos e as necesidades dos pacientes. O colectivo lembra que o acceso á sanidade en condicións adecuadas é un dereito fundamental e que a xestión administrativa non pode estar por riba das necesidades médicas da cidadanía.

ÚLTIMAS

O tramo que afecta o Bosque de Conxo queda en suspenso e a Xunta destinará os fondos a outro municipio

A Xunta anunciou este mércores que, tendo en conta da "oposición do goberno municipal",...

A exdirectora xeral de Patrimonio asinou un informe desfavorable á senda que cruza o Bosque de Conxo

A exdirectora xeral de Patrimonio Cultural Carmen Martínez Insua asinou o mesmo día no...

Arde unha vivenda abandonada a carón da Alameda sen causar danos persoais

Un incendio declarado no serán deste martes nunha casa situada na rúa Cruceiro do Gaio,...

Mila Castro declara como testemuña no ‘caso Desproi’ arroupada por outros exconcelleiros do PSOE compostelán

Unha das edís expulsadas do PSOE de Santiago, Mila Castro, declarou na mañá deste...

Mobilización do persoal de limpeza do CHUS para denunciar os incumprimentos de convenio laboral

O persoal de limpeza do Complexo Hospitalario Universitario De Santiago de Compostela (CHUS) concentrouse...

O Concello tentará mediar na folga de Urbaser con “pouca marxe” de manobra

O Concello de Santiago amósase disposto a intervir como mediador no conflito aberto entre...

(FOTOS) Unha manifestación pola lingua e unha Foliada Nacional enchen a Praza do Obradoiro

A tradicional marcha do 17 de maio organizada por Queremos Galego reuniu, segundo a...

LEAVE A REPLY

Please enter your comment!
Please enter your name here