InicioMOV. SOCIAISO profesorado axudante doutor mobilízase para reclamar a súa estabilización

O profesorado axudante doutor mobilízase para reclamar a súa estabilización

Convocaron hoxe unha concentración fronte á Reitoría para denunciar o estancamento do proceso de mellora das súas condicións laborais

Publicado o

Xornal de Compostela

O profesorado axudante doutor da Universidade de Santiago de Compostela levou a cabo esta mañá unha concentración ás 12.00 horas diante da Reitoría. O obxectivo da protesta é reclamar que non se paralice o seu proceso de estabilización, algo que consideran esencial para mellorar as súas condicións laborais e avanzar na súa carreira docente. Segundo a plataforma convocante, encabezada polo voceiro Adrián Dios, o colectivo denuncia ser o máis precario dentro da institución universitaria.

UN COLECTIVO “SOBRECUALIFICADO” CON CONTRATOS TEMPORAIS

O colectivo, que agrupa unhas 180 persoas, afirma que os seus membros están contratados de forma temporal e cunha retribución inferior á doutras figuras docentes na universidade. A figura de axudante doutor é, segundo explican, a porta de entrada máis habitual á carreira docente, pero tamén alertan de que a falta dunha política de persoal adecuada nas últimas décadas levou a que este profesorado estea “sobrecualificado” para as prazas que ocupa.

De feito, segundo a plataforma, o 71,8% do profesorado axudante doutor da USC posúe xa a acreditación necesariapara ascender na súa categoría laboral, un requisito indispensable segundo a lexislación. A pesar diso, critican que os procesos de estabilización son lentos, dificultando a súa promoción.

Adrián Dios advirte que, malia que nos últimos anos a USC permitiu que o profesorado optase á estabilización antes de esgotar os seus contratos temporais, temen que esta dinámica non continúe. “O obxectivo debe ser acelerar o proceso, pero o que vemos é que está paralizado e que se pode estancar”, afirma o voceiro.

Engade que esta estabilización é especialmente importante no contexto actual da USC, onde se está a producir un masivo proceso de xubilacións. “Se hai xubilacións, ten que haber unha renovación tamén masiva”, insiste.

Pola súa parte, o vicerreitor de profesorado, Ernesto González Seoane, manifestou a súa sorpresa pola convocatoria da protesta. “Están protestando contra unha proposta que aínda non está elaborada”, declarou en conversacións con medios. González Seoane asegurou que o equipo de goberno está traballando na planificación do persoal docente e investigador (PDI) para 2025 e defendeu as condicións laborais ofrecidas pola USC.

O vicerreitor destacou que a institución compostelá é “unha das mellores universidades de España” en termos de condicións para o profesorado axudante doutor. Engadiu que, en moitas universidades, é necesario esgotar os contratos temporais antes de optar á estabilización, mentres que en Santiago esta pode acadarse “mesmo no primeiro ano”. Segundo González Seoane, no 2024 79 profesionais lograron estabilizarse, e comprometeuse a continuar nesta liña.

A plataforma organizadora da protesta recoñece que a USC lles trasladou “boa vontade”, pero considera que as limitacións orzamentarias están a frear o proceso. Dios sinala que a diferenza salarial derivada do salto de categoría suporía uns 7.500 euros brutos anuais por persoa, pero cre que a cuestión é de prioridades orzamentarias. “O incremento salarial na promoción doutras figuras, como de titular a catedrático, é similar”, argumenta.

A mobilización deste venres busca visibilizar as demandas dun colectivo que considera fundamental para garantir o relevo xeracional na USC e mellorar as condicións laborais e a calidade docente na institución.

ÚLTIMAS

Os edís expulsados do PSOE esixen a Sánchez que se revise o seu caso, pois foi asinado por Santos Cerdán

Os catro edís de Santiago expulsados do PSOE --Gonzalo Muíños, Mercedes Rosón, Mila Castro e Marta...

Arde unha vivenda na rúa Algalia de Abaixo durante a madrugada

Un incendio rexistrado na madrugada deste sábado activou todas as alarmas no centro histórico...

Blas García pide a Sánchez que convoque eleccións xerais para poñer fin a unha “situación política irrespirable”

O alcalde socialista de Ames, Blas García, manifestou publicamente o seu apoio a un...

Un fallo na matrícula deixa sen bonificación ao seu pago a estudantes da USC, pero Xunta e universidade rectifican

A Xunta chegou a un acordo coa Universidade de Santiago de Compostela (USC) para eludir un dos requisitos...

Compostela súmase á campaña estatal polo acollemento familiar cun acto simbólico na Alameda

O Parque da Alameda de Santiago de Compostela será o escenario, o vindeiro 17...

Unha manifestación polo crime machista de Moraña colapsa momentaneamente o tráfico na Virxe da Cerca

Unha manifestación feminista convocada pola Marcha Mundial das Mulleres denunciou esta tarde en Santiago...

“Non mates as Mates”: centenares de persoas denuncian a decisión “inxusta” da Xunta de suprimir o máster de Matemáticas da USC

A porta principal do Parlamento de Galicia converteuse esta mañá nunha aula ao aire...

LEAVE A REPLY

Please enter your comment!
Please enter your name here