InicioM. AMBIENTE E PATRIMONIOO Concello de Santiago impulsa a ‘Primavera EcoBosque’ con actividades ambientais no...

O Concello de Santiago impulsa a ‘Primavera EcoBosque’ con actividades ambientais no Banquete de Conxo e o río Sar

O programa desenvolverase entre o 25 e o 29 de marzo con propostas de divulgación, voluntariado e educación ambiental abertas á cidadanía

Publicado o

Xornal de Compostela

O Concello de Santiago, a través do departamento de Emprego, pon en marcha a iniciativa ‘Primavera EcoBosque’, un programa de actividades ambientais, educativas e participativas que terá lugar entre os días 25 e 29 de marzo de 2026 no ámbito do Banquete de Conxo e do río Sar.

A proposta inclúe rutas guiadas, accións de ciencia cidadá, observación de aves, actividades divulgativas sobre morcegos e xornadas de voluntariado ambiental, centradas especialmente na retirada de especies invasoras. O obxectivo é aproveitar o inicio da primavera para reforzar o vínculo da cidadanía co territorio e fomentar o coñecemento e coidado da contorna natural a través da participación directa.

Nesta edición, o programa conta coa colaboración de entidades e profesionais como SEO BirdLife, Asociación Morcegos de Galicia, MarMar Outdoor, Sistemas Medioambientales SL, Adega e Enrique Alvarellos, que participan no desenvolvemento das distintas actividades.

A actividade comezará o mércores 25 de marzo cunha ruta guiada polo Banquete de Conxo e unha xornada de voluntariado ambiental para a retirada da especie invasora Tradescantia, ambas en horario de mañá.

O xoves 26 desenvolverase a actividade ‘Falando de Morcegos’, dirixida a centros educativos ou ao público no CERSIA, así como un BioBlitz no Banquete de Conxo. Esa mesma xornada terá lugar a ‘Noite de Morcegos’, unha ruta interpretativa entre as 19:00 e as 22:00, con punto de encontro no Mosaico do Banquete de Conxo.

O venres 27 repetirase a combinación de ruta guiada e voluntariado ambiental pola mañá, mentres que o sábado 28 incluirá unha nova xornada de retirada de invasoras e a celebración da ‘Hora do Planeta’ ás 20:30.

O programa pecharase o domingo 29 de marzo cunha actividade de observación de aves ás 10:00, tamén no Banquete de Conxo e da man de SEO BirdLife.

DIMENSIÓN EDUCATIVA E PARTICIPACIÓN CIDADÁ

A iniciativa incorpora unha vertente educativa destacada. O Concello xa trasladou a programación aos centros de educación primaria e secundaria da cidade para facilitar a participación do alumnado nas actividades, especialmente nas propostas vinculadas á biodiversidade e ao coñecemento do territorio.

As persoas interesadas poden solicitar máis información a través do correo bosque@santiagodecompostela.gal. No caso da actividade nocturna, recoméndase asistir con roupa e calzado cómodo e levar lanterna.

ÚLTIMAS

A acampada pola vivenda comeza a desmontarse no Obradoiro

A acampada pola vivenda de Santiago de Compostela iniciou a recollida e reorganización do...

Denuncian no Obradoiro que a Policía acurralou e golpeou manifestantes tras a marcha do 11N

Unha trintena de persoas concentrouse este sábado na praza do Obradoiro, en Santiago de...

Feijóo promete en Santiago que “non volverá haber corrupción” se goberna o PP en España

Alberto Núñez Feijóo comprometeuse este sábado no Multiusos Fontes do Sar a impulsar a construción...

O PSdeG apela ao voto útil nun encontro con cargos públicos da comarca de Santiago

Os candidatos socialistas Sindo Guinarte e Ana Alvite reuníronse este sábado con cargos públicos...

A folga xeral deixa seis voos cancelados no aeroporto de Santiago

O aeroporto de Santiago de Compostela rexistrou seis cancelacións de voos este mércores na...

O Consorcio de Santiago adxudica por máis de 82.000 euros a restauración do Arco de Mazarelos

O Consorcio de Santiago adxudicou por 82.382,42 euros, IVE incluído, os traballos de restauración...

Un libro percorre 31 cúpulas de Santiago para descubrir o patrimonio arquitectónico menos visible da cidade

Santiago de Compostela conta cun patrimonio arquitectónico que vai máis alá das fachadas e...

LEAVE A REPLY

Please enter your comment!
Please enter your name here