InicioSOCIEDADEA USC incrementa en 24 a súa proposta de novas prazas de...

A USC incrementa en 24 a súa proposta de novas prazas de profesorado para este ano

Dá visto e prace á creación das cátedras institucionais Otero Pedrayo e Araguaney para o diálogo entre culturas

Publicado o

Xornal de Compostela

O Consello de Goberno dUniversidade de Santiago de Compostela (USC) acordou este mércores incrementar a oferta de prazas de PDI para este ano en 24, tras actualizar, a data do 1 de setembro, as cifras do cómputo de baixas inicial. Deste xeito, conforme detallou a institución nun comunicado, se na primeira planificación a previsión de baixas era de 43 profesores e profesoras, agora a cifra final das coñecidas (que inclúe xubilacións forzosas, falecementos, excedencias voluntarias sen reserva de posto e xubilacións voluntarias) ascende a 57 profesores e profesoras, 14 máis que as previsións iniciais.

En consecuencia e tal e como se fixo en anos anteriores, a USC informou de que o seu Consello de Goberno deu o visto e prace a unha ampliación complementaria que permita atender as necesidades creadas como consecuencia das xubilacións non contabilizadas inicialmente, así como outras situacións sobrevindas e, en particular, a reposición de prazas de profesorado temporal que quedaron vacantes, fundamentalmente como consecuencia do desenvolvemento de concursos de profesorado.

Esta nova planificación, explica a USC, prevé a creación de 21 prazas de profesorado axudante doutor, 15 delas en Santiago e seis en Lugo, e a reposición de tres prazas vacantes. A USC destacou que esta liña de intervención profunda na planificación estratéxica que a USC leva desenvolvendo nos últimos anos a través de procesos que inciden na estabilización e a promoción do seu persoal docente e investigador. Deste xeito, sinala que as medidas levadas a cabo ata agora nesta materia permitiron facer fronte á substitución xeracional e xerar ao tempo unha oportunidade para crear prazas que favorezan o inicio da carreira investigadora.

DÚAS NOVAS CÁTEDRAS

Na mesma sesión, acordouse a creación de dúas novas cátedras institucionais. Por unha banda, a Otero Pedrayo créase para contribuír a manter e expandir o coñecemento do legado artístico e intelectual de Ramón Otero Pedrayo, en tanto figura destacada da Galicia do século XX. Por outra banda, a cátedra institucional Araguaney para o diálogo entre culturas nace co obxectivo de fomentar a docencia, a investigación e a transferencia de coñecemento no ámbito da xestión cultural e dos estudos interculturais. Trátase de fomentar o achegamento entre a cultura española, con especial fincapé na cultura galega, e as culturas árabes, mediterráneas e hispanoamericanas e crear espazos destinados á reflexión sobre as dinámicas interculturais presentes nas sociedades contemporáneas.

Ademais, en materia de persoal, aprobouse unha modificación da RPT de PTXAS Laboral así como a incorporación á Universidade de 10 persoas beneficiarias do Programa Ramón e Cajal, que se distribuirán entre 9 áreas de coñecemento, a maioría delas con previsión de necesidades de persoal no ano de estabilización ou nos dous anos seguintes. Tamén se deu luz verde á convocatoria anual 2024-2025 para a tramitación de novas propostas e modificacións de memorias de titulacións de grao, másteres universitarios e programas de doutoramento, que establece prazos e requisitos concretos.

A sesión completouse coa aprobación de declaración de carácter excepcional e singular de dúas solicitudes de subvención obxecto de convenio á Deputación da Coruña para financiar a organización da 27 Conferencia Europea en Intelixencia Artificial (ECAI) e o Informe anual sobre a Economía Galega de 2023, así como de novos logos para as cátedras de Cultura Latinoamericana Alejo Carpentier e de Saúde Ambiental. A memoria do Instituto de Ciencias da Educación foi outro dos asuntos tratados.

ÚLTIMAS

O Obra perde ante o Gipuzkoa Basket nun partido “terrible”

O Monbus Obradoiro perdeu este sábado na trigésimo terceira xornada da liga contra o...

Santiago inaugura a súa Feira do Libro con máis de 70 actividades e encontros literarios

Este sábado deu comezo na Alameda de Santiago a Feira do Libro de Santiago,...

O Consorcio de Santiago comeza os traballos de mantemento na Casa do Cabido

O Consorcio de Santiago iniciará nos próximos días os traballos de mantemento na Casa...

‘O Ulla si’ visibiliza a oposición veciñal ao proxecto de Altri en Palas de Rei

O documental O Ulla si chega este domingo a Santiago de Compostela cunha sesión especial no cine Númax, ás...

Fianza de medio millón de euros e acusación de fraude: El Correo Gallego baixo investigación por un sistema de evasión de fondos

A investigación levada a cabo polo Xulgado de Instrución número 1 de Santiago de Compostela revelou indicios...

“Fresas de Huelva”, gratis no Obradoiro para concienciar contra as que chegan de Marrocos

A segunda edición da campaña '#YoComoFresasDeHuelva' terminou este mércores na Praza do Obradoiro, en Santiago...

Expropiación forzosa para a construcción dun dos tramos do Eixo de mobilidade entre Ames e Santiago

O Diario Oficial de Galicia (DOG) recolle na súa publicación deste martes a notificación...