InicioECONOMÍABorja Verea insta ao BNG a aplicar a taxa turística sen escusas

Borja Verea insta ao BNG a aplicar a taxa turística sen escusas

O líder do PP de Santiago critica o cambio de postura do BNG e pide un uso específico da recadación para turismo sostible e servizos

Publicado o

Xornal de Compostela

O líder do PP de Santiago, Borja Verea, expresou hoxe a súa sorpresa pola nova reacción do BNG en relación á taxa turística anunciada o venres pasado. Segundo Verea, “tan só 48 horas tardaron en cambiar de opinión e poñerlle trabas á taxa turística”, un imposto que considera “tan esperado”. O popular acusou ao BNG de “inventar excusas” e de “non estar disposto a xestionar e traballar como é debido”.

En palabras de Verea, “agora que xa se pode aplicar a taxa, deberían estar a traballar para sacala adiante, e se non saben ou non queren, que se boten a un lado. Nós si que podemos e saberemos como facelo”, engadiu. O líder popular reiterou que, de ser el o alcalde de Santiago, desexaría “xestionar os impostos dos veciños” e ter plena competencia sobre o seu destino, criticando ao BNG por “buscar excusas” en lugar de traballar.

Verea tamén lembrou que o PP de Santiago nunca se opuxo á taxa turística, afirmando que o BNG utilizaba a súa postura favorable como “escudo contra a Xunta”. Agora, insta ao goberno local a traballar na súa implementación para principios de 2025, cando se habilitará o imposto, e suxeriu que comecen xa a preparar a súa aplicación.

Con respecto ao destino dos fondos recadados, o líder popular deixou claro que o PP non é partidario de integrar eses cartos no orzamento xeral. “Se de nós dependese, o recadado iría destinado a turismo sostible, programación cultural, limpeza e seguridade“, subliñou Verea.

ÚLTIMAS

Piden catro anos de cárcere para un home ao que interceptaron en Castrón Douro con 30 bolsas de cocaína

A Fiscalía pide catro anos de cárcere por un delito contra a saúde pública...

Bouza encabeza a lista do PSOE de Santiago ao congreso do PSdeG

O PSOE de Santiago elixiu á súa delegación para o 15º Congreso Nacional que o PSdeG...

Nace a Asociación Veciñal Pego-Sar para impulsar a vida comunitaria en Brión

Un grupo de corenta persoas constituíu oficialmente a Asociación Veciñal Pego-Sar tras unha asemblea...

Así era Compostela a finais do século XX vista dende o obxectivo de Manuel Chicharro

A Casa do Cabido acolle a mostra Compostela a Lupa. Manuel Chicharro Bisi entre...

Protesta ante a sede de Correos no Franco contra “o recorte de servizos” e a “precarización laboral”

CIG-Correos organizou este mércores unha concentración ante a sede da área noroeste de Correos en Santiago...

O Concello pide á Xunta que “deixe de enredar” e que elimine do rexistro ás VUT que non teñen título habilitante

A concelleira de Turismo e portavoz do Goberno local de Santiago, Míriam Louzao, reclamou...

Raxoi avanza no borrador da taxa turística, que quere trasladar ao sector en próximas semanas

A alcaldesa de Santiago, Goretti Sanmartín, acompañada pola concelleira de Turismo, Míriam Louzao, e polo...

LEAVE A REPLY

Please enter your comment!
Please enter your name here