O Outono Códax Festival quenta motorores para a súa próxima edición, cun cartel que contará con nomes como Fantastic Negrito, The Seepdogs, Shannon & The Clams ou The Jive Aces. Así, Santiago acollerá a nomes tan destacados a nivel internacional como Fantastic Negrito (23 novembro), os canadenses The Sheepdogs (9 novembro) que abren en Compostela a súa xira europea, ou a californiana Shannon & The Clams (21 novembro).
Ademais, estarán The Jives Aces e The Fuzillis (22 novembro) ou os encargados de abrir o festival, The Courettes (31 outubro na Sala Riquela), “a formación de rock and roll de dúas persoas máis grande do mundo”, como os definiu a publicación británica The Next Big Thing.
A representación galega recae nesta edición en Mambas Negras (21 novembro), quinteto vigués formado por grandes músicos galegos amplamente recoñecidos e Madame Bird (23 novembro), a banda da gran voz da escena negra galega, Carla de Figueredo.Desde Barcelona chegarán Os Tiki Phantoms, unha banda referencial do surf instrumental con tres décadas de traxectoria.
Os concertos desta edición do Outono Códax, que se celebrará entre o 31 de outubro e o 23 de novembro, volverán ter por escenario a Sala Capitol e o Riquela Club de Santiago. Así pois, un ano máis e baixo o apoio e colaboración de Adegas Martín Códax, o festival impulsado por Raiña Productions e A Reixa achegará a Galicia o mellor do xénero con nove citas musicais e actividades paralelas.
