HomeCULTURASabías que o xogo da Oca ten a súa orixe no Camiño...

Sabías que o xogo da Oca ten a súa orixe no Camiño de Santiago?

Segundo unha teoría, os Cabaleiros Templarios crearon unha ruta encriptada para poder realizar o Camiño dun xeito seguro durante a Idade Media

Publicado o

Por Marta Balado Simó

Probablemente de neno pasaches horas e horas xogando ao xogo de mesa da Oca. Pero, a que non sabías que existe unha teoría que afirma que este pasatempos se creou en relación ao Camiño de Santiago?

Dise que os Cabaleiros Templarios, que eran monxes cristiáns e guerreiros que defendían aos cristiáns que peregrinaban ás terras santas de Xerusalén, Roma e Santiago de Compostela, decidiron crear un documento para axudar a completar o Camiño de Santiago Francés. Ese documento servía, a xeito de guía encriptada, para que os cristiáns, independentemente da súa lingua, puidesen chegar ata Santiago. Deste xeito, todos os integrantes da Orde do Temple coñecían o significado de cada símbolo.

No tocante á simboloxía, as 63 casillas que conforman o taboleiro correspondíanse co viaxe de ida e de volta dende St. Jean de Pied de Port ata Santiago, 32 casillas de ida e 31 de volta.

Dentro desas casillas, podemos atoparnos con referencias a puntos claves da travesía, como: a Oca, que fai referencia ao Cebreiro, a morte, que fai referencia a Santiago, e a oca final, que fai referencia a Fisterra, onde se atopa o final do epílogo do Camiño.

Por outra banda, os símbolos que seguen a conformar o xogo hoxe en día terían un significado único. As pousadas eran os albergues onde descansarían os peregrinos; os pozos, os días malos; o labirinto, as perdas físicas e espirituais, e os dados, o azar durante todos os días de camiño. Tamén se di que todas esas casillas negativas indicarían os lugares non seguros e as ocas os lugares que si que eran seguros para parar.

As pontes, que simbolizarían pasar un obstáculo, fan referencia a pontes reais que se atopan en diferentes etapas como a Ponte de la Reina de Jaca, a Ponte de la Reina en Navarra e a Ponte de Estella.

O máis curioso é que o nome de Oca tamén está presente en diferentes pobos ou paradas do Camiño Francés, como por exemplo Villafranca Montes de Oca, Puerto de Oca, El Ganso ou Ocón.

ÚLTIMAS

Vítimas do accidente de Angrois volven concentrarse este mércores tras un ano á espera da sentenza

Vítimas do accidente do tren Alvia ocorrido na curva da Grandeira, no barrio compostelán...

Éxito rotundo das ‘Noites en Vela’ na Ponte Maceira con música e luz

A edición 2024 das 'Noites en Vela' celebrada na Ponte Maceira foi un éxito...

Santiago prepárase para o 25 de xullo coa Ofrenda ao Apóstolo e a Alba de Compostela como cerimonias principais

A capital galega prepárase para un 25 de xullo, Día Nacional de Galicia, que...

Científicos da USC lanzan un manifesto contra a “macrocelulosa” de Altri

Científicos dos departamentos de Botánica, Bioloxía e Zooloxía da Universidade de Santiago de Compostela...

O Gaiás amplía visitas comentadas ante a elevada demanda de ‘Unha vida viquinga’ e ‘Tesouros reais’

A Cidade da Cultura ampliou a oferta de visitas comentadas a dúas dos grandes...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O Gran Prix das Carrilanas de Esteiro encherá Compostela de actividade e música este sábado

Este sábado, 20 de xullo de 2024, Esteiro (Muros) celebra a segunda xornada da...

LEAVE A REPLY

Please enter your comment!
Please enter your name here