Esta pasada noite de mércores, véspera da Ascensión, daban comezo as festas en Santiago de Compostela. Despois de que varios días antes a Alameda comezase a encherse das tradicionais atraccións e postos, a Ascensión daba comezo a súa programación.
E fíxoo este mércores con dúas importantes actuacións. A primeira deu comezo ás 21:00 na praza da Quintana, co concerto de Los 40 POP, presentado polo DJ Oscar Martínez e coa actuación dos artistas David Otero, Bombai, Soge Culebra, Lérica, Mar Lucas, Álvaro Mayo, Álex Márquez e Lontreira.
Posteriormente, ás 22:30 a praza do Obradoiro encheuse completamente para dar comezo a outro dos pratos fortes desta Ascensión —e tamén un dos máis polémicos—: a orquestra Panorama.
