InicioCULTURAO Concello organiza unha xornada informativa sobre os cambios no Regulamento de...

O Concello organiza unha xornada informativa sobre os cambios no Regulamento de Estranxeiría

O encontro celebrarase o 10 de xuño na sede do Cersia, con intervencións de expertas e da concelleira María Rozas

Publicado o

Xornal de Compostela

A Unidade municipal de Atención ás Migracións (UAMI) convocou para o próximo 10 de xuño unha xornada informativa sobre as novidades introducidas polo novo Regulamento de Estranxeiría, que entrou en vigor o pasado 20 de maio, malia ter sido aprobado meses antes, en novembro de 2024. A actividade desenvolverase entre as 17:00 e as 20:00 horas na sede do Cersia, en Santiago de Compostela, e contará coa participación da concelleira de Dereitos e Servizos Sociais, Promoción Económica e Xuventude, María Rozas, así como de dúas avogadas especializadas en dereito migratorio.

Vanesa Ramos, do programa de protección internacional do Movemento pola Paz, e Maite Bustamante, da Asociación de Migrantes de Galicia (AMIGA), serán as encargadas de explicar os cambios legais máis relevantes, aclarar dúbidas prácticas e responder ás preocupacións das persoas migrantes ante a nova normativa. A sesión está aberta ao público e pretende achegar información clara e actualizada nun momento de especial incerteza.

O novo regulamento introduce importantes modificacións no réxime de arraigo, que pasa a subdividirse en cinco categorías: arraigo social, sociolaboral, socioformativo, de segunda oportunidade e familiar. Así mesmo, redúcese de tres a dous anos o tempo mínimo de residencia en España necesario para solicitar o arraigo e establécese unha nova autorización de residencia para familiares de cidadáns e cidadás españolas.

Un dos aspectos que está a xerar maior inquietude é a exclusión do tempo como solicitante de asilo do cómputo para o arraigo, o que afecta directamente ás persoas ás que se lles denegou a protección internacional. Neste caso, deberán agardar dous anos en situación irregular antes de poder acceder a un permiso de residencia, aínda que se aplicará de forma transitoria unha rebaixa a seis meses durante o primeiro ano de vixencia da nova norma.

Desde a UAMI salientan que estas modificacións están a provocar un incremento notable nas consultas legais recibidas nas últimas semanas. Por iso, a xornada do día 10 está pensada como un espazo de encontro e clarificación tanto para persoas migrantes como para colectivos sociais e profesionais que traballan no eido da atención á diversidade.

A actividade enmárcase na política municipal de apoio á integración, a información e os dereitos das persoas migrantes, segundo explicou a concelleira María Rozas, que pechará o acto tras as intervencións das expertas.

ÚLTIMAS

A cidade histórica perde comercio de barrio mentres medra o negocio turístico: os datos que explican a nova regulación en Santiago

A nova normativa urbanística aprobada inicialmente polo Concello de Santiago chega nun momento crítico...

A Xunta dá luz verde ambiental a un campamento de turismo na parroquia de Figueiras, en Santiago de Compostela

A Xunta deu luz verde ambiental ao proxecto para construír un campamento de turismo...

O Concello de Santiago acordará con expertos onde colocar as tallas de Abraham e Isaac para “facer memoria histórica”

O goberno local de Santiago acordará con especialistas e investigadores o "lugar idóneo" onde...

Reaccións á restitución das estatuas: “é o traballo de moita xente” di o exasesor xurídico do Concello de Santiago

"É un éxito de moita xente, do traballo de varios equipos, gobernos, grupos e...

San Pedro sae á rúa: guía día a día das súas festas

O barrio de San Pedro prepárase para vivir unha nova edición das súas festas,...

Boyanka Kostova, Lua de Santana e 9Louro actúan este sábado en Santiago no Festival Acento

O Festival Acento volve este sábado 21 de xuño á terraza da sede da...

Santiago impulsa o programa ‘Compostela Convive’ para fomentar a convivencia intercultural

O Concello de Santiago presentou este martes unha nova edición do programa 'Compostela Convive',...

LEAVE A REPLY

Please enter your comment!
Please enter your name here