InicioCULTURAA Biblioteca Ánxel Casal acolle o mes de maio a exposición 'TintA:...

A Biblioteca Ánxel Casal acolle o mes de maio a exposición ‘TintA: unha historia do fanzine libertario, de 1976 á actualidade’ 

Esta exposición fai un percorrido pola cultura, que foi o mellor vehículo para o anarquismo de ofrecer a súa idea "dun mundo libre, xusto, carente de toda dominación e logrado a través da transformación social"

Publicado o

Xornal de Compostela

A Biblioteca Ánxel Casal acolle desde o 2 até o 31 de maio a exposición ‘TintA: unha historia do fanzine libertario, de 1976 á actualidade’ organizada pola CNT Galiza. A exposición está na planta baixa, na hemeroteca e o horario de visita é o de apertura da biblioteca.

Esta exposición fai un percorrido pola cultura, que foi o mellor vehículo para o anarquismo de ofrecer a súa idea “dun mundo libre, xusto, carente de toda dominación e logrado a través da transformación social”. Con esta exposición móstrase un amplo abano de prácticas e actividades culturais coas que os anarquistas “non pretendían unicamente a difusión da Idea senón que, ao mesmo tempo, buscaban satisfacer o afán de coñecementos do proletariado e do campesiñado”.

Así naceron escolas racionalistas, Ateneos, asembleas, teatro, publicacións, grupos de lectura, as artes gráficas e conferencias. O desenvolvemento cultural do movemento libertario foi moi amplo “conformándose como un proxecto heteroxéneo, emancipador e con identidade propia”.

As publicacións escritas tiveron gran relevancia de aí que con grande traballo nacesen boletíns, panfletos, revistas ou xornais. Todas estas publicacións difundíronse rapidamente entre as capas sociais máis desfavorecidas.

O momento máis prolífico para estas publicacións anarquistas no estado español foi durante o período da Revolución Social, con publicacións que abordaban todo tipo de temáticas: xeografía, filosofía, historia, sexualidade ou pedagoxía. Coa perda da Guerra Civil e instaurada a ditadura franquista o número de publicacións descende drasticamente e a súa presenza vólvese testemuñal: “a prohibición, apoiada baixo unha cruenta represión e o medo imposibilitaba a edición e difusión de calquera idea non adepta ao réxime”.

Despois da morte de Franco as publicacións libertarias volven coller impulso. Coa chegada e boom do fanzine a finais dos setenta principios dos oitenta, dá comezo un novo período extraordinariamente fértil, no que o activismo anarquista atopa, na autonomía e liberdade que proporciona esta publicación artesanal, o medio perfecto para a difusión cultural e informativa dunha realidade alternativa en plena confrontación coa proporcionada desde a hexemonía dos mass-media e a cultura oficial.

A MOSTRA

TintA é unha mostra que se compón dunha pequena selección de fanzines de entre o que é unha infinidade de publicacións libertarias xurdidas desde finais dos setenta ata a actualidade. Cunha selección de artigos concretos, poderase acceder á realidade vivencial dun sindicato, dun ateneo, dunha asociación cultural, de individualidade para coñecer os seus puntos de vista, as súas opinións, as súas preocupacións e as súas loitas.

ÚLTIMAS

As Tanxugueiras enchen a Quintana no día grande das Festas da Ascensión

Tanxugueiras protagonizaron este xoves 29 de maio o momento máis esperado do día grande...

(VÍDEO) A Asociación de Pacientes do CHUS denuncia unha vez máis que o sistema de buzón para consultas vulnera a normativa sanitaria

A Asociación de Pacientes e Usuarios do CHUS, con sede en Santiago de Compostela,...

Santiago acolle a reunión europea de liderado en física moza con participantes de máis de 20 países

A cidade de Santiago será o escenario da 13th Young Minds Leadership Meeting, un...

Inaugurada a exposición ‘Unha ollada sobre Palestina’ no centro sociocultural de Conxo, con 22 fotografías de Gaza

A Plataforma Compostela por Palestina, en colaboración co Concello de Santiago, inaugurou este venres...

As Tanxugueiras enchen a Quintana no día grande das Festas da Ascensión

Tanxugueiras protagonizaron este xoves 29 de maio o momento máis esperado do día grande...

Toma forma a primeira Romaría das Flores con música, gastronomía e actividades infantís en Belvís

O Parque de Belvís será este sábado o escenario da primeira edición da Romaría...

Falece o músico e compositor compostelán Emilio Cao, integrante de Voces Ceibes

O músico e compositor compostelán Emilio Cao, integrante do colectivo musical Voces Ceibes, faleceu...

LEAVE A REPLY

Please enter your comment!
Please enter your name here