“Isto é a casa da Collona” é unha expresión que moitos galegos utilizamos co fin de referirnos a un caos, un desastre ou un lugar moi desordenado. A súa orixe remóntase aos anos 50 en Vigo, pero hoxe en día se di en moitos lugares de toda a comunidade. Incluso en Santiago existía un restaurante, no número 41 da Rúa do Franco, que recibía o nome de “ACDC” en referencia a esta expresión.
Durante os anos 50, a Rúa Ferrería de Vigo, no barrio chinés ou “rojo”, estaba chea de locais de alterne. O Bar Abanico era un deles e estaba rexido por unha madame que se chamaba Doña Esperanza pero á que todo o mundo coñecía co nome de La Collona.
A xente de Vigo coñecía o local como “A Casa da Collona” e de ahí foi evoluíndo ata que de xeito despectivo comezouse a escoitar a expresión “Isto é a casa da Collona” para referirse a un caos ou desorde.
