HomeCULTURAO crime da Balconada: a lenda compostelá que explica a orixe da...

O crime da Balconada: a lenda compostelá que explica a orixe da “rúa desaparecida”

No século XIV cometeuse un asasinato na Rúa da Balconada e dende ese momento quedou clausurada e oculta para sempre, este domingo cúmprense 658 anos do sucedido

Publicado o

Por Marta Balado Simó

Entre todas as lendas que existen arredor da cidade de Santiago de Compostela, unha que non é moi coñecida pero que leva entre nós dende xa hai máis de 600 anos é a da Rúa da Balconada ou a “Rúa desaparecida”. Cada día pasan milleiros de persoas por ela e polo lugar onde sucedeu un crime moi sonado naquela época e que este mesmo domingo fai o seu 658 aniversario.

A lenda conta que durante o século XIV o arcebispo da cidade era Santiago Suero Gómez, un rapaz que apenas tiña 30 anos e ao que mataron a sangue fría na rúa. Nese mesmo tempo, en Compostela vivía unha rapaza moi guapa que chamaba a atención de todos os nobles, incluso do propio arcebispo. A moza pertencía a unha familia moi coñecida da zona, os Churruchao.

Dise que, mentres o pai da rapaza estaba na guerra en África, o arcebispo aproveitou a oportunidade para secuestrala e encerrala no Castelo de Rocha Forte para mantela consigo e amosar o seu amor.

Este episodio causou a cólera do pai, ao que xa non lle gustaba moito a Igrexa e os seus altos mandos, e foi ver ao rei Pedro I. O monarca, tamén coñecido como “O Cruel” deulle o permiso para matalo cando o atopase para facer xustiza. Deste xeito, Churruchao voltou a Santiago e o 23 de xuño de 1366, na celebración do Corpus Christi, irrumpeu na procesión no momento no que pasaba pola Rúa da Balconada e matou a sangue fría ao arcebispo e ao deán.

O episodio causou unha gran conmoción entre a poboación da cidade e se decidiu limpar a rúa con sal e clausurala para sempre, e tamén se pecharon todas as Igrexas e Capelas. Esta decisión fixo que os fieis que quixesen ir á misa tivesen que trasladarse á Igrexa de Santa María de Conxo, ocupando o día entre a ida e a volta. Deste feito tan curioso xurdiu a expresión “vaiche na misa en Conxo”, que se utiliza para manifestar un retraso inesperado dun desexo.

Esta é a versión máis romántica do acontecido, pero existe outra que fai referencia a un dos capítulos da guerra civil castelá ente o rey de Castilla Pedro I e o seu hermanastro Enrique II.

Esta lenda conta que, nunha visita á capital, Pedro I buscaba o xeito de deter aos que apoiaban ao ser hermanastro dende Galicia. Un dos simpatizantes era o arcebispo Suero Gómez e por iso se decidiu acabar ca súa vida.

O crime encargóuselle a Fernán Pérez Churruchao, que matou tanto ao arcebispo como ao deán baixo a atenta mirada do rei. O final desta outra lenda remata do mesmo xeito, coa Rúa da Balconada clausurada para sempre.

Como todas as lendas, nunca saberemos se é verdade ou non, e incluso hai xente que afirma que a rúa nunca existiu. Hoxe en día, visitala é imposible, xa que se atopa nos xardíns dunha pensión na Rúa de Xelmírez. De todos xeitos, a historia segue a correr entre os habitantes de Santiago 658 anos despois, e aínda son algúns os curiosos que se asoman a intentar ver a “rúa desaparecida”.

Existiu de verdade a Rúa da Balconada entre a Rúa do Vilar e a Rúa Nova?

ÚLTIMAS

Goretti Sanmartín reafirma a súa intención de reunirse co presidente da Xunta para falar da taxa turística

A alcaldesa de Santiago, Goretti Sanmartín, reafirmou este sábado a súa intención de reunirse...

O catedrático da USC Elisardo Becoña ingresa na Academia de Psicoloxía de España

Elisardo Becoña, catedrático de Psicoloxía Clínica na Universidade de Santiago de Compostela (USC), foi...

Trasladadas dúas persoas tras unha colisión entre tres vehículos en Ames

Dúas persoas tiveron que ser trasladadas tras unha colisión entre tres vehículos en Ames...

O Monbus Obradoiro ficha ao base letón Toms Elvis Leimanis

O Monbus Obradoiro anunciou hoxe a incorporación do base letón Toms Elvis Leimanis para...

Santiago acolle este venres a inauguración da exposición ‘Cutie Chaos’, do artista Pablo Little

A galería Dupla inaugura este venres, a partir das 19:30 horas, a exposición 'Cutie...

‘Bim, bam, bum’, de María Girón, gaña o XVII Premio Internacional Compostela de Álbums Ilustrados

A autora catalá María Girón foi a gañadora do XVII Premio Internacional Compostela de...

A artista Gloria Pavía sobre Santiago: “Estar rodeada de tanta creatividade fai que chegues a casa e teñas ganas de crear”

Gloria Pavía (en Instagram @glopavia ou @globelivet na súa conta de ilustración) é unha...

LEAVE A REPLY

Please enter your comment!
Please enter your name here