InicioPOLÍTICAMuíños denuncia atrasos e deficiencias nas obras da DP-7804 e na senda...

Muíños denuncia atrasos e deficiencias nas obras da DP-7804 e na senda de Figueiras

O concelleiro levará ao pleno unha proposta para reclamar actuacións urxentes da Deputación e melloras na seguridade viaria

Publicado o

Xornal de Compostela

O concelleiro non adscrito Gonzalo Muíños advertiu das queixas reiteradas da veciñanza ante o estado de dúas actuacións impulsadas pola Deputación da Coruña no termo municipal de Santiago: a estrada provincial DP-7804, que conecta coa zona do Val do Dubra, e a senda peonil de Figueiras.

Segundo explicou, no caso do vial provincial, trátase dunha obra adxudicada no ano 2022 que, a día de hoxe, continúa sen rematar e presenta “deficiencias importantes”. Entre elas, destacou a alteración do curso dunha fonte na zona da Peregrina, unha intervención que estaría a xerar problemas de drenaxe no lugar de Barco. “Isto supón un risco tanto para as fincas como para a seguridade da propia vía”, sinalou.

Muíños tamén enumerou outras incidencias detectadas neste tramo, como a presenza de fochancas, desprendementos, ausencia de sinalización horizontal e a existencia dun semáforo instalado hai máis dun ano que segue sen funcionar, o que, segundo indicou, agrava a situación de inseguridade para os usuarios.

En relación coa senda peonil que conecta o Carmen de Abaixo con Figueiras, o edil cualificou o proxecto como “aínda máis preocupante”, ao acumular máis de dous anos de atraso. Ademais, advertiu de que nos treitos xa executados, a senda discorre ao mesmo nivel e co mesmo material que a estrada, o que está a provocar que os vehículos a utilicen como un carril máis. “Isto supón un perigo evidente para os peóns”, afirmou.

O concelleiro anunciou que levará ao vindeiro pleno municipal unha iniciativa para instar á Deputación a corrixir de inmediato as deficiencias na DP-7804 e completar as obras pendentes, así como a retomar a senda de Figueiras “garantindo de verdade a seguridade peonil”. Ademais, reclamará ao Concello que poña en funcionamento o semáforo existente para contribuír a mellorar a seguridade viaria na contorna.

ÚLTIMAS

Néstor Rego, candidato do BNG ao Congreso: “Se o PSOE quere ter o apoio do BNG, vai ter que aceptar os nosos compromisos”

O deputado do Bloque Nacionalista Galego (BNG) no Congreso, Néstor Rego, aborda nunha entrevista...

Pedro Sánchez reúne 10.000 persoas en Santiago e apela ao voto feminino para defender os dereitos sociais o 29N

O presidente do Goberno e candidato socialista á reelección, Pedro Sánchez, reuniu este venres...

Marc Marginedas: “O meu secuestro reforzou a miña vocación de xornalista”

A propaganda converteuse nun dos principais instrumentos de influencia internacional do Kremlin. Así o...

Santiago estrea a credencial especial do Xacobeo 2027: xa está dispoñible para os peregrinos

A Oficina de Acollida ao Peregrino presentou este venres, 20 de novembro, a Credencial...

Néstor Rego, candidato do BNG ao Congreso: “Se o PSOE quere ter o apoio do BNG, vai ter que aceptar os nosos compromisos”

O deputado do Bloque Nacionalista Galego (BNG) no Congreso, Néstor Rego, aborda nunha entrevista...

Pedro Sánchez reúne 10.000 persoas en Santiago e apela ao voto feminino para defender os dereitos sociais o 29N

O presidente do Goberno e candidato socialista á reelección, Pedro Sánchez, reuniu este venres...

LEAVE A REPLY

Please enter your comment!
Please enter your name here