A Asociación Cultural Rocha Forte celebra mañá venres 12 de decembro, ás 19:00, unha sesión divulgativa centrada na alimentación dos polos en granxas e nas posibles alternativas aos antibióticos. A actividade, baixo o título ‘Ciencia e empresa. Albariño na avicultura: extractos de uva na cría de polo. ¿Antibióticos ou bagazo?’, terá lugar no Centro Sociocultural da Rocha.
A charla, que conta coa colaboración do Concello de Santiago, contará coa participación de Marta Lores, catedrática da USC e directora científica de i-Grape, quen explicará o estado da investigación sobre o uso de extractos derivados da uva como complemento alimentario en avicultura. Xunto a ela intervirá Carmen Carpinteiro, vicepresidenta de Rivadulla S.L., que achegará a visión empresarial sobre a implantación deste tipo de produtos.
