InicioSOCIEDADEUn estudo co liderado do CiMUS demostra que o cerebro pode modificar...

Un estudo co liderado do CiMUS demostra que o cerebro pode modificar a microbiota intestinal

Investigadores de Santiago participan nun achado que muda a forma de entender a relación entre sistema nervioso e aparato dixestivo

Publicado o

Xornal de Compostela

O Centro Singular de Investigación en Medicina Molecular e Enfermidades Crónicas (CiMUS) da Universidade de Santiago de Compostela participa nun estudo internacional que revela que o cerebro é capaz de modificar a composición da microbiota intestinal en cuestión de horas. A investigación, publicada na revista Nature Metabolism, foi desenvolvida en colaboración co hospital Clínic-IDIBAPS de Barcelona e a Universidade Católica de Lovaina.

Os experimentos, realizados en ratos, demostran que certas neuronas do hipotálamo poden influír directamente sobre a poboación bacteriana do intestino, máis alá da dieta ou dos ritmos circadianos, como se pensaba ata o de agora. A capacidade de realizar estes cambios de xeito rápido vese, ademais, reducida pola obesidade, segundo sinala o estudo.

O equipo galego estivo representado polos investigadores Sara Martínez e Rubén Nogueiras, do grupo de Metabolismo Molecular do CiMUS. Ambos coinciden en destacar o impacto deste descubrimento no coñecemento do equilibrio enerxético: “Ata agora sabiamos que a microbiota podía enviar sinais ao cerebro. Agora sabemos tamén que o cerebro pode regular de maneira moi rápida os tipos de bacterias que habitan no intestino”.

Mediante técnicas quimiogenéticas, o equipo activou ou inhibiu grupos específicos de neuronas no hipotálamo, provocando modificacións significativas nas bacterias intestinais. O estudo tamén revela que estas modificacións son diferentes segundo a rexión do tracto dixestivo e que implican a activación do sistema nervioso simpático, relacionado coas respostas ao estrés.

Marc Claret, coordinador do proxecto no IDIBAPS, subliña que este traballo abre a porta a novas estratexias terapéuticas para tratar doenzas metabólicas e a obesidade: “Comprender esta nova vía de comunicación permite explorar solucións innovadoras máis alá das intervencións clásicas baseadas só na dieta ou na farmacoloxía”.

A primeira autora do artigo, Míriam Toledo, tamén do IDIBAPS, explica que o cerebro actúa como un integrador de sinais procedentes tanto da microbiota como dos órganos metabólicos, axustando as funcións corporais para manter o equilibrio enerxético.

Este avance forma parte das liñas estratéxicas do CiMUS, que recentemente obtivo o recoñecemento como Unidade de Excelencia María de Maeztu e conta con apoio da Consellería de Educación da Xunta de Galicia. O estudo foi financiado pola Fundación “la Caixa” e enmárcase dentro do modelo de excelencia investigadora do Campus Vida.

O achado supón un paso relevante no coñecemento do eixe cerebro-intestino, cun potencial impacto na saúde pública e na forma de abordar enfermidades crónicas desde unha perspectiva máis integrada e multidisciplinar.

ÚLTIMAS

Queremos Galego organiza unha “gran foliada pola lingua” este sábado en Santiago de Compostela

O colectivo Queremos Galego organizará este sábado, 17 de maio, unha gran foliada pola...

Accidente na AP-9 en Santiago por bombonas no medio da estrada

Sobre as 08.30 horas desta xoves, un camión que transportaba bombonas de butano e...

Poñen en funcionamento de novo o ascensor da rúa Triacastela tras case un mes de avaría

Este mércores, o ascensor da rúa Triacastela, que conecta o barrio de Fontiñas coa...

O Festival Flamenco Riquela celebra a súa segunda edición en Santiago de Compostela

O Festival Flamenco Riquela regresa a Santiago para celebrar a súa segunda edición do 29...

Un peregrino de México recibe o pasaporte dual 10.000 por percorrer os Camiños de Santiago e Kumano Kodo

Carlos Alberto García, un peregrino de México, recibiu o certificado que o convirte no...

Sanmartín espera que a taxa turística se poida aplicar este verán

A alcaldesa de Santiago de Compostela, Goretti Sanmartín, explicou que espera que a taxa...

Fumata branca en San Pedro: León XIV, o nome do novo papa

Pasadas as seis da tarde deste xoves, saía a fumata branca da cheminea da...

LEAVE A REPLY

Please enter your comment!
Please enter your name here