InicioSANTIAGOBRIÓNBrión inaugura a programación cultural de novembro con teatro, música e actividades...

Brión inaugura a programación cultural de novembro con teatro, música e actividades populares

Espectáculos teatrais e eventos para todos os públicos animarán as fins de semana brionesas

Publicado o

Xornal de Compostela

O Concello de Brión pon en marcha esta fin de semana a súa completa programación cultural de novembro cunha serie de espectáculos gratuítos que inclúen teatro, música e actividades populares. En total, o programa inclúe oito actividades para os venres e sábados, destacando representacións teatrais no centro social polivalente, un magosto tradicional e a segunda edición da Andaina do Terror.

A programación arrincará o venres 8 de novembro, ás 20:30 horas, coa obra ‘Testosterona‘, de Malasombra Produccións. Esta comedia, dirixida a un público adulto, reflexiona sobre a desigualdade laboral de xénero nun medio de comunicación nacional. Dirixida por Xoque Carbajal e protagonizada por Camila Bossa e Luís Iglesia, a obra trata este tema dende un enfoque cómico, con guión da autora mexicana Sabina Berman.

O sábado 9 de novembro, ás 20:00 horas, será o turno da derradeira sesión de Fegateatro 2024, un ciclo de teatro afeccionado que, organizado polo Concello e a Federación Galega de Teatro Afeccionado (FEGATEA), chega ao seu fin despois de sete actuacións. Este último encontro, denominado “Microteatro”, incluirá tres pezas curtas: ‘SOS‘ de Fauna 113, ‘As xoias de tía Ágata‘ de Teatro de Cámara Ditea e ‘…e punto‘ de Porta Aberta Teatro.

Para a seguinte fin de semana, están programadas outras dúas actuacións no polivalente brionés. O venres 15, ás 20:30 horas, Talía Teatro presentará ‘A parábola do Aganzo‘. O sábado 16, ás 20:00 horas, será a quenda do espectáculo musical ‘Boleros del alma‘, a cargo de Julia Vari e Carlos Arévalo.

O ciclo de teatro profesional Outono Cultural continuará o venres 22, ás 20:30 horas, coa obra “Brokeback Sabucedo: paixón entre bestas” de Sal do Teatro. O domingo 30, ás 20:00 horas, pecharase o cartel teatral de novembro con ‘Cortello de amor‘, de Amorodio Teatro.

A oferta cultural completarase co magosto tradicional o venres 29, ás 20:00 horas, que este ano terá lugar na praza contigua á Carballeira de Santa Minia. E o sábado 23 celebrarase a segunda edición da Andaina do Terror, organizada pola asociación O Esquío no Piñeiro en colaboración co Concello de Brión. A actividade, que espertou gran expectación, xa cubriu as 600 prazas dispoñibles e sumou outras 150 para atender a demanda da lista de agarda.

Esta programación cultural busca ofrecer unha variedade de actividades para o disfrute dos veciños e veciñas de Brión, así como dinamizar o concello durante o outono.

ÚLTIMAS

Sanmartín xustifica a demora na taxa turística, alegando que “hai que escoitar ao sector”

A alcaldesa de Santiago, Goretti Sanmartín, xustificou este luns que o prazo para a...

O Concello esixe á familia Franco que asuma os custos do traslado das estatuas do Mestre Mateo

O Concello de Santiago deu este luns un paso importante na recuperación das estatuas...

A piscina do Milladoiro continúa pechada por reparacións tras o desprendemento do liner

A piscina municipal do Milladoiro, no concello de Ames, segue pechada tras a incidencia...

Alba Mourelle imponse en todas as categorías do Baila con Ames 2025

O auditorio da Casa da Cultura de Bertamiráns acolleu o pasado venres 18 de...

O Concello de Brión lanza unha campaña para fomentar o uso responsable da auga

O Concello de Brión e a empresa concesionaria do servizo de augas, Espina &...

Coñecemos o primeiro coworking rural de Galicia que deu renda solta á creatividade do campo

Hai lugares que nacen da necesidade e medran coa forza da comunidade. No pequeno concello...

Localizada en bo estado unha veciña de Brión cuxa familia alertou da súa desaparición na tarde do mércores

Os servizos de Emerxencias localizaron a pasada noite a unha veciña de Brión, duns 80...

LEAVE A REPLY

Please enter your comment!
Please enter your name here