Unha persoa resultou ferida na tarde deste martes ao ser atropelada nun paso de peóns na rúa Poza de Bar, en Santiago de Compostela, nas proximidades do centro histórico e da Alameda. Segundo fontes do 112, o suceso tivo lugar arredor das 18:30, cando un coche alcanzou a vítima mentres cruzaba a rúa.
A persoa que alertou ao 112 informou do atropelo, activando de inmediato a intervención do servizo de urxencias do 061 e da Policía Local, que se desprazaron ao lugar para atender a situación.
Este incidente converteuse no terceiro atropelo con feridos rexistrado na capital galega nun intervalo de 48 horas. Na madrugada do luns, a Policía Local detivo a un condutor que, baixo os efectos do alcol, atropelou a un traballador que estaba pintando a estrada, causando feridas de consideración.
