Dúas persoas tiveron que ser trasladadas tras unha colisión entre tres vehículos en Ames e un dos coches chocou contra un poste de formigón.
Segundo informou o 112, o suceso produciuse sobre as 15.00 horas deste sábado e foi un particular o que deu a voz de alarma e indicou que o suceso se produciu no quilómetro cinco da AC-453.
Ata o punto desprazáronse os profesionais de Urxencias Sanitarias de Galicia-061, Bombeiros de Santiago, GES de Brión, Garda Civil de Tráfico, Policía Local e Agrupación de Voluntarios de Protección Civil de Ames.
Unha vez no lugar, os membros do GES de Brión indicaron que foron trasladadas dúas persoas ao hospital. Unha era a condutora do turismo que chocou contra o poste e o segundo ferido un ocupante doutro dos vehículos implicados na colisión.
