Unha persoa resultou ferida leve este luns nun accidente de tráfico rexistrado no concello de Ames, despois de que o vehículo que conducía sufrise unha saída de vía.
Segundo os datos facilitados polo 112, o sinistro tivo lugar arredor das 08:00 na estrada que comunica Ortoño con Bertamiráns. Tras o accidente, a persoa que se atopaba ao volante indicou que presentaba dor nun brazo.
A central de emerxencias activou os medios necesarios para atender o incidente e trasladou o aviso aos profesionais de 061, así como á Garda Civil de Tráfico, á Policía Local de Ames e aos efectivos de Protección Civil do municipio.
