Uns 800 usuarios víronse afectados esta mañá de venres por cortes da luz debido a dúas incidencias, xa resoltas, nos concellos veciños de Santiago e Ames.
Por unha banda, segundo informan fontes de Naturgy a Europa Press, uns 600 usuarios sufriron problemas no subministro en Compostela esta mañá de venres por mor da inundación dun transformador con augas residuais. O servizo recuperouse ás 12.30 horas.
Así mesmo, no concello de Ames uns 200 usuarios sufriron un apagón porque se danou un cable soterrado na Rúa da Madalena, na esquina con Xaquín Lorenzo. A avaría quedou illada e restableceuse o subministro.
Precisamente, pasadas as 10.00 horas, traballadores do polígono industrial do Milladoiro contaban a Europa Press que sufriran un apagón.
