HomeSUCESOSOs xulgados de Santiago seguen investigando a suposta trama de branqueo liderada...

Os xulgados de Santiago seguen investigando a suposta trama de branqueo liderada por un ex-inspector de Facenda

A investigación dos feitos comezou en 2016, por mor dunha denuncia da Axencia Tributaria ante a Fiscalía Anticorrupción de Madrid

Publicado o

Por Ramón Mariño

A investigación xudicial sobre a suposta trama liderada por un exinspector de Facenda de Vigo, A.C.G., segue avanzando etapas e o xulgado de instrución número 3 de Santiago, encargado da causa, ditou unha resolución na que acorda continuar a tramitación contra este e outros seis investigados, mediante a incoación de procedemento para o xuízo ante o Tribunal de Xurado.

Na devandita resolución, tras desestimar a práctica de certas dilixencias solicitadas polas partes, o xulgado acorda a incoación dos trámites do procedemento de xurado, por se os feitos investigados fosen constitutivos de varios delitos.

Así, o xulgado apunta que o sete investigados, o exinspector A.C.G., ademais de seis consultores e asesores fiscais que facían as veces de supostos intermediarios (F.G.P., P.G.T., B.Z.M., M.A.R.P., J.B.C.P., e F.C.M.) poderían cometer un delito de organización criminal. No caso do exinspector, ve indicios de delito de tráfico de influencias, delito de suborno, infidelidade na custodia de documentos e violación de segredos, e delito de negociacións e actividades prohibidas a funcionarios públicos.

Por outra banda, relaciona a F.G.P. cun suposto delito de descubrimento e revelación de segredos; e ve indicios da posible comisión dun delito de branqueo por parte de A.C.G., B.Z.M., F.G.P. e M.A.R.P.

A investigación dos feitos comezou en 2016, por mor dunha denuncia da Axencia Tributaria ante a Fiscalía Anticorrupción de Madrid. Posteriormente adheríronse varios empresarios, que acusaban a esta trama de extorsionarles para que pagasen importantes cantidades de diñeiro a cambio de resolver no seu favor inspeccións e procedementos fiscais.

O principal procesado, que foi detido e ingresado en prisión en xaneiro de 2019, e posto en liberdade en abril dese ano, negou sempre a súa vinculación con eses delitos, e mesmo publicou un blogue no que arremetía contra a UCO da Garda Civil, contra xuíces e fiscais, e no que atribuía as denuncias a vengazas dos empresarios (entre os que citaba aos responsables de Blusens e Redcom) por ser investigados por el no marco do seu traballo como inspector de Facenda.

ÚLTIMAS

Falece o mozo que sufriu unha caída de 8 metros nun rocódromo de Costa Vella

O mozo que sufriu, o pasado 17 de xuño, unha caída de oito metros...

Sufocado un incendio no interior dun alpendre en Teo

Sufocado o incendio no interior dun alpendre no núcleo de Calo, no concello coruñés...

Isto custa ir de Santiago a Coruña e Vigo pola AP-9

Todos aqueles galegos que están acostumados a empregar a carísima autopista AP-9 como vía...

A Xunta mantén o financiamento para o novo parque de bombeiros en Amio

A Xunta de Galicia confirmou que non se oporá ao cambio de localización do...

Falece o mozo que sufriu unha caída de 8 metros nun rocódromo de Costa Vella

O mozo que sufriu, o pasado 17 de xuño, unha caída de oito metros...

Sufocado un incendio no interior dun alpendre en Teo

Sufocado o incendio no interior dun alpendre no núcleo de Calo, no concello coruñés...

Ferida unha muller nun atropelo na confluencia entre Santiago de Chile e Frei Rosendo Salvado

Unha muller resultou ferida na mañá deste luns tras ser atropelada por un vehículo...

LEAVE A REPLY

Please enter your comment!
Please enter your name here