O mozo acusado de apuñalar a outro na Alameda de Santiago o domingo 23 de novembro entregouse voluntariamente no xulgado de garda. Tal e como trasladaron fontes da Policía Nacional a Europa Press, o mozo quedou en liberdade con medidas cautelares e de afastamento coa vítima.
Segundo relatan fontes da Policía Nacional, ao redor das 20.30 horas na Alameda, a vítima “meteuse” coa noiva do outro, o que xerou unha discusión. O segundo asestoulle dúas puñaladas ao primeiro cunha arma branca; despois, o agresor deuse á fuga. O mozo ferido foi trasladado ao CHUS e, “a súa vida non corre perigo”.
