Sobre as 08.30 horas desta xoves, un camión que transportaba bombonas de butano e propano perdeu parte da súa carga na AP-9 á altura de Santiago de Compostela. Foi o condutor dun coche que chocou contra unha das bombonas o que alertou ao 112 Galicia explicando o suceso, que tivo lugar no quilómetro 75 da autoestrada, en Conxo.

A carga foi retirada polos axentes da Garda Civil de Tráfico que acudiron ao momento, sen que ninguén resultase ferido.