InicioSUCESOS(FOTOS) Máis de 15 horas sen luz: Así viviu Compostela o apagamento...

(FOTOS) Máis de 15 horas sen luz: Así viviu Compostela o apagamento masivo deste luns

Publicado o

Por David M. Sobrino Platas

Toda a Península Ibérica quedou sen electricidade este pasado luns. O corte, que comezou arredor das 12:30 horas, causou certa desorganización en diversos servizos e instalacións da cidade de Compostela.

As primeiras informacións nas redes sociais apuntaban a posibles causas e afectacións en toda España, Portugal e o sur de Francia, mentres que en Santiago as rúas principais como Rosalía de Castro ou rúa da Senra foron especialmente afectadas. Durante toda a xornada, os semáforos destes puntos estiveron inoperativos, xerando certo caos no tráfico.

Mentres tanto, a cidade mantivo certa normalidade nas rúas, onde moitos composteláns aproveitaron o bo tempo para pasear ou facer deporte. Os autobuses urbanos continuaron o seu funcionamento habitual, sen grandes alteracións.

Os comercios, por outra banda, sufriron un parón. Os supermercados permaneceron pechados dende o inicio do apagamento, mentres que algúns dos pequenos comercios que estaban abertos só aceptaban pagos en efectivo e usaban lanternas para iluminar os seus locais.

Na estación de trens de Santiago, os combois foron cancelados, e a media tarde, Adif pechou as instalacións. A estación de autobuses, tamén afectada pola falta de información nos paneis, viviu un ambiente de inseguridade entre os viaxeiros, que buscaban alternativas para continuar a súa viaxe.

A USC, pola súa banda, decidiu pechar as súas instalacións a media tarde, enviando un comunicado á comunidade universitaria, aínda que o correo electrónico chegou de forma escalonada debido aos problemas nas comunicacións. Este martes, a Universidade manterá pechadas as súas instalacións ata as 15:00 horas debido á incerteza sobre o restablecemento do servizo eléctrico.

Segundo informou o Concello de Santiago, o subministro eléctrico na cidade foi restablecido ao 100% ás 06:00 horas da mañá de hoxe. Un comité de crise municipal reunirase esta mañá para avaliar a situación e coordinar as actuacións de resposta a posibles incidentes derivados do apagamento.

No ámbito sanitario, o Hospital Clínico mantivo a súa actividade esencial mediante o uso de xeradores, mentres que algúns servizos hospitalarios foron limitados pola falta de enerxía. En canto ao aeroporto de Lavacolla, a actividade continuou cun mínimo impacto, xa que os xeradores mantiveron operativas as cafeterías, as máquinas expendedoras e os servizos básicos.

ÚLTIMAS

Guinarte podería ser o candidato á alcaldía do PSOE compostelá

O concelleiro socialista Gumersindo Guinarte non pecha a porta a ser elixido polo seu...

O PSOE decidirá no pleno se apoia reprobar a Formoso por apoiar Medicina na Coruña

O Grupo Socialista de Santiago decidirá no pleno municipal do próximo xoves se apoia a proposición...

Estudantes lamentan a “morte das matemáticas en Galicia” tras a desaparición do máster da USC

O Consello do Estudantado da Universidade de Santiago de Compostela (USC) lamentou a "morte das...

Mulleres mobilízanse en Compostela para denunciar o xenocidio do pobo palestino

Un grupo de mulleres de Compostela convocou unha mobilización para este xoves 26 de...

Dous botes de laca, orixe dun incendio nunha vivenda compostelá

A explosión de dous botes de laca para o pelo provocaron un pequeno incendio...

(VÍDEO) Arde un vehículo na SC-20 en Conxo e provoca retencións, pero sen feridos

Un vehículo ardeu ao mediodía deste martes na estrada SC-20, nas inmediacións da rotonda...

Detidos tres homes por agredir a camareiros e ameazar cunha navalla na Praza Roxa

A Policía Nacional detivo o domingo a tres homes por presuntamente agredir aos camareiros...

LEAVE A REPLY

Please enter your comment!
Please enter your name here