O mozo de 17 anos veciño de Ferrol foi localizado en bo estado tras permanecer desaparecido desde o pasado sábado, cando viaxou en tren ata Santiago de Compostela, cidade onde cursa os seus estudos. A noticia foi confirmada pola Asociación SOS Desaparecidos, que xa desactivou a alerta a través das súas redes sociais.
A familia do mozo perdera o contacto con el despois da súa chegada a Santiago, o que motivou a interposición dunha denuncia na Comisaría da Policía Nacional da cidade compostelá. Posteriormente, a denuncia foi ampliada en Ferrol, onde residen os familiares.
