InicioSUCESOS'Moitas grazas, querida parroquia': Galiza enterra hoxe a Superpiñeiro

‘Moitas grazas, querida parroquia’: Galiza enterra hoxe a Superpiñeiro

Unha despedida multitudinaria nas redes lembra o pedagogo que se converteu en lenda televisiva, con mensaxes de figuras como Xabier Cid e Paco Lodeiro

Publicado o

Por Míriam Ferraces Fernández

Xosé Manuel Piñeiro, máis coñecido como Superpiñeiro, reuniu este xoves a familiares, amigos e veciños na súa vila natal de Allariz, onde se celebrou un sentido funeral na igrexa de Santiago para darlle o derradeiro adeus. O presentador faleceu onte aos 67 anos tras anos de loita contra un mieloma múltiple que interrompeu, mais non apagou, unha carreira que o converteu nun símbolo da Televisión de Galicia.

A esquela publicada en ‘La Región’ resume o agradecemento mutuo entre Piñeiro e a súa audiencia: ‘Moitas grazas, querida parroquia, por todos estes anos de felicidade’. Estas palabras, que reflicten o seu estilo directo e afectuoso, destacaron entre as múltiples homenaxes que enchían as redes sociais desde o anuncio da súa morte.

ALGUNHAS MENSAXES DE DESPEDIDA EN ‘X’

Xabier Cid, escritor e xornalista, recoñeceu publicamente o impacto que Piñeiro tivo máis aló das pantallas:
‘Nunca lle dixen a SuperPiñeiro que, pra un rapaz de 15 anos, ter un pedagogo no insti que era marica e artista da tele foi algo moi wai e moi divertido, e que el foi máis exemplo do que quizais pensou nunca’.

No mundo do entretemento, a actriz Diana Nogueira definiu a súa perda como persoal:
‘Partiu unha estrela moi especial para min… meu mestre, meu amigo. Grazas por tanto, Pi!’

Paco Lodeiro, compañeiro na TVG, destacou o impacto do ‘Supermartes’, o programa que marcou unha xeración:
‘Os martes foron supermartes felices grazas a Superpiñeiro, entretedor maiúsculo do país.

Piñeiro non foi só unha figura pública. Foi un exemplo de compromiso coa cultura galega e coa lingua, como se viu na súa intervención en 2009 contra unha marcha galegófoba. Ese momento foi lembrado por moitos en redes sociais como un dos seus máis icónicos, representando o orgullo e a defensa da identidade galega:

O RC Celta de Vigo tamén quixo recoñecer a súa relevancia:
‘A familia celeste únese á dor polo pasamento de Xosé Manuel Piñeiro. Un profesional comprometido co noso idioma e todo un emblema da comunicación galega’

A súa morte deixa un baleiro que transcende a televisión. Pepe Capelán, outro dos seus compañeiros, foi conciso pero emotivo:
‘Déixasnos para ser eterno. Grazas por todo. Ata sempre, Pi’.

Errepé destacou as múltiples cualidades humanas e profesionais de Superpiñeiro, reflectindo o impacto que tivo na sociedade galega:
‘Boa persoa, intelixente, carismático, polifacético, profesional, decente, humilde, cordial, solidario, amable, honrado e grande alaricano e ourensán, ao que tiven a honra de coñecer. Prematura e fonda perda para o corazón do País’.

Grey de Dios, cun toque de nostalxia e admiración, recordou a influencia de Superpiñeiro mesmo no mundo musical:
‘E os cantantes de rock & roll querían ser ti’.

Desde o humor, a conta @FaladoiraLercha imaxinou unha programación ficticia da TVG dedicada ao presentador, chea de recoñecemento e agarimo:
‘Ás 14:00 Adeus, SuperPiñeiro, Adeus. Ás 16:00 especial de Xosé Manuel Piñeiro, vai por ti. Ás 18:00 O mellor dos Supermartes. Ás 20:00 SuperPiñeiro o máis grande. Ás 22:00 TVG sempre te lembrará, Xosé Manuel’.

Carlos F. Amado, facendo referencia á versatilidade de Piñeiro, destacou o seu legado como mestre e o seu humor nos momentos máis recentes:
‘Fuches un mestre do que aprendemos todos. Grazas polo teu cariño, pola túa xenerosidade, Pi. Quedo cos momentazos que nos deches no Twitch, comentando a final do Benidorm Fest, sacando as uñas polas Tanxugueiras. Recordarémoste sempre, Xosé Manuel Piñeiro!’

ALAS A Coruña, asociación de visibilidade LGTBIQ+, recoñeceu a súa contribución á diversidade e á cultura galega:
‘Con fondo pesar dicimos ata sempre a un gran comunicador e exemplo de visibilidade, o noso benquerido, Xose Manuel Piñeiro. Foi todo un pracer recibir xuntxs o premio da Fundación Insua dos Poetas no 2020 no Carballiño. Voa alto!’

Hoxe, mentres os seus restos eran incinerados na intimidade familiar, milleiros de galegos lembran ao pedagogo que se fixo estrela da pequena pantalla e que, dende Allariz, conseguiu entrar en cada fogar. Superpiñeiro, máis alá das luces do escenario, queda como un dos imprescindibles na historia recente de Galicia.

ÚLTIMAS

As Tanxugueiras enchen a Quintana no día grande das Festas da Ascensión

Tanxugueiras protagonizaron este xoves 29 de maio o momento máis esperado do día grande...

(VÍDEO) A Asociación de Pacientes do CHUS denuncia unha vez máis que o sistema de buzón para consultas vulnera a normativa sanitaria

A Asociación de Pacientes e Usuarios do CHUS, con sede en Santiago de Compostela,...

Santiago acolle a reunión europea de liderado en física moza con participantes de máis de 20 países

A cidade de Santiago será o escenario da 13th Young Minds Leadership Meeting, un...

Inaugurada a exposición ‘Unha ollada sobre Palestina’ no centro sociocultural de Conxo, con 22 fotografías de Gaza

A Plataforma Compostela por Palestina, en colaboración co Concello de Santiago, inaugurou este venres...

Asaltan a tenda de Apple en Santiago tras romper o escaparate blindado

Un novo roubo con forza sacudiu na madrugada deste martes a avenida de Barcelona...

(VÍDEO) Arde un coche no Polígono de Costa Vella e provoca retencións nos acceso

Un incendio nun turismo rexistrado na mañá deste martes provocou importantes retencións de tráfico...

A Garda Civil desarticula en Santiago un grupo criminal por roubos de cobre en trece puntos da provincia

A Garda Civil deu por desarticulado un grupo criminal itinerante especializado no roubo de...

LEAVE A REPLY

Please enter your comment!
Please enter your name here