O Arcebispo de Santiago, monseñor Francisco Prieto, presidiu o acto de profesión de fe e xuramento dos novos 31 arciprestes e vicearciprestes da Arquidiocese compostelá. A sede do Arcebispado acolleu este martes, día 30 de xullo, a cerimonia na que tomaron posesión do oficio, despois de emitir a profesión de fe e o xuramento de fidelidade ante o Arcebispo.
O arcebispo lembroulles, por unha banda, que é Deus “quen convoca, chama e convida, dando sentido á misión e misións que se lles encomenda”; e por outra banda, “que o Señor envía, non a cada un pola súa conta, senón en comunidade, para facer o camiño xuntos”.
Monseñor Prieto indicou tamén que a razón de ser como Igrexa que peregrina en Santiago “é a evangelización, o anuncio do Evanxeo, con todo o que significa ser e facer boa noticia”. “O Arciprestazgo é un ámbito privilexiado no que os sacerdotes que o integran poden fomentar e coordinar a actividade pastoral común e facer realidade a vivencia máis intensa da fraternidade sacramental”, apuntou.
O arcipreste é un sacerdote, elixido o bispo diocesano á fronte do Arciprestazgo para colaborar máis estreitamente co bispo e os organismos diocesanos, co fin de procurar que a vida das parroquias, que o integran, vaia de acordo coa pastoral diocesana. Dada a especial configuración dos novos arciprestazgos, nomeáronse vicearciprestes co obxectivo de que axuden ao arcipreste no mellor desempeño pastoral do seu oficio canónico.
